ਜੇਐੱਨਐੱਨ, ਜਲੰਧਰ : ਮਕਸੂਦਾਂ ਪੁਲਿਸ ਥਾਣੇ 'ਚ ਹਥਗੋਲ਼ਾ ਸੁੱਟ ਕੇ ਧਮਾਕਾ ਕਰਵਾਉਣ ਵਾਲੇ ਜੈਸ਼-ਏ-ਮੁਹੰਮਦ ਨਾਲ ਜੁੜੀ ਅੱਤਵਾਦੀ ਜਮਾਤ ਅੰਸਾਰ ਗਜਾਵਤ ਉਲ ਹਿੰਦ ਦੇ ਅੱਤਵਾਦੀ ਜ਼ਾਕਿਰ ਮੂਸਾ ਦੇ ਸੱਜੇ ਹੱਥ ਆਮਿਰ ਨਾਜ਼ੀਰ ਮੀਰ ਨੂੰ ਰਾਸ਼ਟਰੀ ਜਾਂਚ ਏਜੰਸੀ (ਐੱਨਆਈਏ) ਨੇ ਜੰਮੂ ਕਸ਼ਮੀਰ 'ਚ ਪੁਲਵਾਮਾ ਦੇ ਅਵੰਤੀਪੁਰਾ ਤੋਂ ਗ੍ਰਿਫ਼ਤਾਰ ਕਰ ਲਿਆ ਹੈ। ਆਮਿਰ ਨੇ ਹੀ ਅੱਤਵਾਦੀ ਮੂਸਾ ਦੇ ਕਹਿਣ 'ਤੇ ਮਕਸੂਦਾਂ ਥਾਣੇ 'ਚ ਧਮਾਕਾ ਕਰਨ ਲਈ ਹਥਗੋਲ਼ਾ ਖ਼ਰੀਦ ਕੇ ਉਨ੍ਹਾਂ ਨੂੰ ਸੁੱਟਣ ਵਾਲਿਆਂ ਤਕ ਪਹੁੰਚਾਇਆ ਸੀ। ਐੱਨਆਈਏ ਦੇ ਬੁਲਾਰੇ ਮੁਤਾਬਕ ਥਾਣੇ 'ਚ ਧਮਾਕਾ ਕਰਨ ਵਾਲੇ ਚਾਰ ਮੁਲਜ਼ਮਾਂ ਤੇ ਅੱਤਵਾਦੀ ਜ਼ਾਕਿਰ ਮੂਸਾ ਵਿਚਾਲੇ ਅੱਤਵਾਦੀ ਮੀਰ ਹੀ ਸਰਗਰਮ ਕੜੀ ਸੀ। ਇਹ ਮਾਮਲਾ ਪਹਿਲਾਂ ਜਲੰਧਰ ਪੁਲਿਸ ਕੋਲ ਸੀ ਪਰ ਬਾਅਦ 'ਚ ਇਸ ਨੂੰ ਐੱਨਆਈਏ ਦੇ ਹਵਾਲੇ ਕਰ ਦਿੱਤਾ ਗਿਆ ਸੀ। ਮਾਮਲੇ ਦੀ ਸੁਣਵਾਈ ਹੁਣ ਮੋਹਾਲੀ ਸਥਿਤ ਐੱਨਆਈਏ ਦੀ ਵਿਸ਼ੇਸ਼ ਅਦਾਲਤ 'ਚ ਚੱਲ ਰਹੀ ਹੈ।

ਦੋ ਅੱਤਵਾਦੀ ਮਾਰੇ ਗਏ, ਦੋ ਵਿਦਿਆਰਥੀ ਜੇਲ੍ਹ 'ਚ, ਬਚਿਆ ਸਿਰਫ ਮੂਸਾ

ਮਕਸੂਦਾਂ ਪੁਲਿਸ ਥਾਣੇ 'ਚ 14 ਸਤੰਬਰ ਨੂੰ ਹਥਗੋਲ਼ੇ ਨਾਲ ਧਮਾਕੇ ਕੀਤੇ ਗਏ ਸਨ। ਇਸ ਤੋਂ ਬਾਅਦ ਪੁਲਿਸ ਨੇ ਸੇਂਟ ਸੋਲਜਰ 'ਚ ਪੜ੍ਹਨ ਵਾਲੇ ਦੋ ਕਸ਼ਮੀਰੀ ਵਿਦਿਆਰਥੀਆਂ ਸ਼ਾਹਿਦ ਕਿਊਮ ਤੇ ਫਾਜ਼ਿਲ ਬਸ਼ੀਰ ਪਿੰਛੂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਸੀ। ਉਸ ਤੋਂ ਪੁੱਛ-ਪੜਤਾਲ ਤੋਂ ਬਾਅਦ ਜਾਂਚ ਏਜੰਸੀ ਨੇ ਦੱਸਿਆ ਕਿ ਇਨ੍ਹਾਂ ਦੋਵਾਂ ਨੇ ਕਸ਼ਮੀਰੀ ਅੱਤਵਾਦੀ ਰਊਫ਼ ਅਹਿਮਦ ਅਤੇ ਮੀਰ ਉਮਰ ਰਮਜ਼ਾਨ ਉਰਫ਼ ਗਾਜ਼ੀ ਨਾਲ ਮਿਲ ਕੇ ਮਕਸੂਦਾਂ ਥਾਣੇ 'ਚ ਗ੍ਰਨੇਡ ਸੁੱਟੇ ਸਨ। ਇਸ ਹਮਲੇ ਤੋਂ ਬਾਅਦ ਰਊਫ਼ ਤੇ ਗਾਜ਼ੀ ਕਸ਼ਮੀਰ ਭੱਜ ਗਏ ਸਨ। ਇਹ ਧਮਾਕਾ ਅੱਤਵਾਦੀ ਜਮਾਤ ਅੰਸਾਰ ਗਜਾਵਤ ਉਲ ਹਿੰਦ ਦੇ ਸਰਗਨੇ ਜ਼ਾਕਿਰ ਰਸ਼ੀਦ ਭੱਟ ਉਰਫ਼ ਜ਼ਾਕਿਰ ਮੂਸਾ ਅਤੇ ਉਸ ਦੇ ਸੱਜੇ ਹੱਥ ਆਮਿਰ ਜਲਾਲ ਦੀ ਰਚੀ ਸਾਜ਼ਿਸ਼ ਤਹਿਤ ਕੀਤਾ ਗਿਆ ਸੀ। ਅੰਸਾਰ ਗਜਾਵਤ ਉਲ ਹਿੰਦ ਜਮਾਤ ਜੈਸ਼-ਏ-ਮੁਹੰਮਦ ਨਾਲ ਵੀ ਜੁੜੀ ਹੋਈ ਹੈ। ਬੀਤੇ ਸਾਲ 22 ਦਸੰਬਰ ਨੂੰ ਰਊਫ਼ ਤੇ ਗਾਜ਼ੀ ਨੂੰ ਜੰਮੂ-ਕਸ਼ਮੀਰ ਪੁਲਿਸ ਨੇ ਅਵੰਤੀਪੁਰਾ 'ਚ ਮੁਕਾਬਲੇ ਦੌਰਾਨ ਮਾਰ ਮੁਕਾਇਆ। ਹੁਣ ਆਮਿਰ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਇਸ ਕੇਸ 'ਚ ਸਿਰਫ ਅੱਤਵਾਦੀ ਜ਼ਾਕਿਰ ਮੂਸਾ ਹੀ ਗ੍ਰਿਫ਼ਤਾਰੀ ਤੋਂ ਬਚਿਆ ਹੋਇਆ ਹੈ।

ਛੇਤੀ ਹੋ ਸਕਦੈ ਚਲਾਨ ਪੇਸ਼

ਮਕਸੂਦਾਂ ਪੁਲਿਸ ਥਾਣੇ 'ਚ ਧਮਾਕੇ ਕਰਨ ਦੇ ਮਾਮਲੇ 'ਚ ਐੱਨਆਈਏ ਨੇ ਹਾਲੇ ਤਕ ਵਿਸ਼ੇਸ਼ ਅਦਾਲਤ 'ਚ ਚਲਾਨ ਪੇਸ਼ ਨਹੀਂ ਕੀਤਾ ਹੈ। ਨਿਯਮਾਂ ਮੁਤਾਬਕ 90 ਦਿਨ ਦੇ ਅੰਦਰ ਚਲਾਨ ਪੇਸ਼ ਕਰਨਾ ਹੁੰਦਾ ਹੈ ਪਰ ਕੁਝ ਸਮਾਂ ਪਹਿਲਾਂ ਹੋਈ ਸੁਣਵਾਈ 'ਚ ਐੱਨਆਈਏ ਨੇ ਇਸ 'ਚ 'ਐਕਸਪਲੋਜਿਵ ਐਕਟ ਦੀ ਦਲੀਲ ਦਿੱਤੀ ਸੀ, ਜਿਸ 'ਚ 180 ਦਿਨ ਦਾ ਵਕਤ ਦਿੱਤਾ ਜਾਂਦਾ ਹੈ। ਅਦਾਲਤ ਨੇ ਐੱਨਆਈਏ ਦੀ ਅਪੀਲ ਨੂੰ ਮਨਜ਼ੂਰ ਕਰਦਿਆਂ ਇਹ ਸਮਾਂ ਦੇ ਦਿੱਤਾ ਸੀ। ਕਸ਼ਮੀਰੀ ਵਿਦਿਆਰਥੀ ਦੇ ਵਕੀਲ ਕੇਐੱਸ ਹੁੰਦਲ ਨੇ ਕਿਹਾ ਕਿ ਐੱਨਆਈਏ ਨੇ ਛੇ ਮਹੀਨੇ ਦਾ ਸਮਾਂ ਲੈ ਲਿਆ ਸੀ, ਇਸ ਕਾਰਨ ਹਾਲੇ ਚਲਾਨ ਪੇਸ਼ ਨਹੀਂ ਕੀਤਾ ਗਿਆ ਹੈ।

ਚਲਾਨ ਨਾਲ ਇਨ੍ਹਾਂ ਦੀ ਸਥਿਤੀ ਹੋਵੇਗੀ ਸਪੱਸ਼ਟ

ਮਕਸੂਦਾਂ ਧਮਾਕੇ ਤੋਂ ਕੁਝ ਹਫ਼ਤੇ ਬਾਅਦ ਪੁਲਿਸ ਨੇ ਸ਼ਾਹਕੋਟ ਸਥਿਤ ਸੀਟੀ ਇੰਸਟੀਚਿਊਟ ਦੇ ਹੋਸਟਲ 'ਚ ਅੱਧੀ ਰਾਤ ਨੂੰ ਛਾਪੇਮਾਰੀ ਕਰ ਕੇ ਤਿੰਨ ਕਸ਼ਮੀਰੀ ਵਿਦਿਆਰਥੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਇਨ੍ਹਾਂ 'ਚ ਅੱਤਵਾਦੀ ਜ਼ਾਕਿਰ ਮੂਸਾ ਦੇ ਚਚੇਰੇ ਭਰਾ ਯਾਸਿਰ ਰਫੀਕ ਭੱਟ ਨਾਲ ਮੁਹੰਮਦ ਇਦਰੀਸ਼ ਸ਼ਾਹ ਤੇ ਜ਼ਾਕਿਰ ਗੁਲਜ਼ਾਰ ਸ਼ਾਮਲ ਸਨ। ਇਹ ਤਿੰਨ ਫਿਲਹਾਲ ਕਪੂਰਥਲਾ ਜੇਲ੍ਹ 'ਚ ਹਨ। ਗ੍ਰਿਫ਼ਤਾਰੀ ਵੇਲੇ ਇਨ੍ਹਾਂ ਤੋਂ ਪੁਲਿਸ ਨੇ ਇਕ ਕਿੱਲੋ ਆਰਡੀਐੱਕਸ, ਏਕੇ 47 ਅਤੇ ਹੈਰੋਇਨ ਫੜੇ ਜਾਣ ਦਾਅਵਾ ਕੀਤਾ ਸੀ। ਹਾਲਾਂਕਿ ਇਹ ਜਾਣਕਾਰੀ ਸਾਰੀ ਬਰਾਮਦਗੀ ਇੰਸਟੀਚਿਊਟ ਦੇ ਹੋਸਟਲ ਦੇ ਕਮਰਾ ਨੰ. 94 'ਚੋਂ ਹੋਈ ਸੀ। ਉਸ ਵੇਲੇ ਪੁਲਿਸ ਦਾ ਕਹਿਣਾ ਸੀ ਕਿ ਜੰਮੂ-ਕਸ਼ਮੀਰ ਦੇ ਸਪੈਸ਼ਲ ਆਪ੍ਰੇਸ਼ਨ ਯੂਨਿਟ ਤੋਂ ਮਿਲੇ ਇਨਪੁਟ ਦੇ ਆਧਾਰ 'ਤੇ ਇਹ ਪਤਾ ਲੱਗਾ ਕਿ ਇਹ ਲੋਕ ਅੱਤਵਾਦੀ ਜ਼ਾਕਿਰ ਮੂਸਾ ਨਾਲ ਜੁੜੇ ਹੋਏ ਸਨ, ਜਿਨ੍ਹਾਂ ਨੇ ਧਮਾਕਾਖੇਜ਼ ਸਮੱਗਰੀ ਤੇ ਹਥਿਆਰ ਅੰਮ੍ਰਿਤਸਰ 'ਚ ਮੁਹੱਈਆ ਕਰਵਾਏ ਸਨ। ਇਨ੍ਹਾਂ ਦਾ ਇਸ ਕੇਸ 'ਚ ਕੀ ਸਬੰਧ ਹੈ? ਇਸ ਬਾਰੇ 'ਚ ਵੀ ਐੱਨਆਈਏ ਦੇ ਚਲਾਨ ਨਾਲ ਸਥਿਤੀ ਸਪੱਸ਼ਟ ਹੋ ਸਕਦੀ ਹੈ।

ਨਵੀਂ ਦਿੱਲੀ : ਦਿੱਲੀ ਦੇ ਸਕੂਲਾਂ 'ਚ ਸਾਲਾਂ ਤੋਂ ਕੰਮ ਕਰ ਰਹੇ 22 ਹਜ਼ਾਰ ਗੈਸਟ ਅਧਿਆਪਕਾਂ ਨੂੰ ਦਿੱਲੀ ਸਰਕਾਰ ਨੇ ਹੋਲੀ ਤੋਂ ਪਹਿਲਾਂ ਵੱਡਾ ਤੋਹਫਾ ਦਿੱਤਾ ਹੈ। ਉਨ੍ਹਾਂ ਨਾਲ ਸਬੰਧਿਤ ਸਿੱਖਿਆ ਵਿਭਾਗ ਦੇ ਮਹੱਤਵਪੂਰਨ ਮਤੇ ਨੂੰ ਕੈਬਨਿਟ ਨੇ ਮਨਜ਼ੂਰੀ ਦੇ ਦਿੱਤੀ ਹੈ। ਇਸ ਮਤੇ 'ਤੇ ਉਪਰਾਜਪਾਲ ਦੀ ਮੋਹਰ ਲੱਗਣ ਤੋਂ ਬਾਅਦ ਗੈਸਟ ਅਧਿਆਕਾਂ ਨੂੰ ਬਾਰ-ਬਾਰ ਨੌਕਰੀ ਲਈ ਅਰਜ਼ੀ ਦੀ ਜ਼ਰੂਰਤ ਨਹੀਂ ਪਵੇਗੀ, ਸਗੋਂ ਇਹ ਸਾਰੇ ਅਧਿਆਪਕ ਹਰਿਆਣਾ ਦੀ ਤਰਜ਼ ਤਕ 60 ਸਾਲਾਂ ਤਕ ਸੇਵਾਵਾਂ ਦਿੰਦੇ ਰਹੇ ਹਨ। ਮੁੱਖ ਮੰਤਰੀ ਕੇਜਰੀਵਾਲ ਦੀ ਪ੍ਰਧਾਨਗੀ 'ਚ ਹੋਈ ਕੈਬਨਿਟ ਦੀ ਬੈਠਕ 'ਚ ਇਹ ਮਹੱਤਵਪੂਰਨ ਫੈਸਲਾ ਲਿਆ ਹੈ।

ਗੈਸਟ ਅਧਿਆਪਕਾਂ ਨੇ ਇਸ ਫੈਸਲੇ ਦਾ ਸਵਾਗਤ ਕੀਤਾ ਹੈ। ਸਿੱਖਿਆ ਮੰਤਰੀ ਮਨੀਸ਼ ਸਿਸੋਦੀਆ ਨੇ ਦੱਸਿਆ ਕਿ ਇਸ ਮਤੇ ਦੇ ਤਹਿਤ ਦਿੱਲੀ 'ਚ ਕੰਮ ਕਰ ਰਹੇ ਗੈਸਟ ਅਧਿਆਪਕ ਨਿਯਮਤ ਅਧਿਆਪਕਾਂ ਦੀ ਤਰ੍ਹਾਂ ਸੇਵਾ ਮੁਕਤ ਹੋਣ ਤਕ ਸੇਵਾਵਾਂ ਦਿੰਦੇ ਰਹਿਣਗੇ। ਮਤਾ ਪਾਸ ਕਰ ਕੇ ਉਸ ਨਾਲ ਸਬੰਧਿਤ ਫਾਈਲ ਉਪਰਾਜਪਾਲ ਦਫਤਰ ਭੇਜ ਦਿੱਤੀ ਗਈ ਹੈ।

ਐੱਲਜੀ ਦੀ ਮੋਹਰ ਤੋਂ ਬਾਅਦ ਹਰਿਆਣਾ ਦੀ ਤਰਜ 'ਤੇ ਨਿਯਮਿਤ ਅਧਿਅਪਕਾਂ ਦੀ ਤਰ੍ਹਾਂ ਦੇ ਸਕਣਗੇ ਸੇਵਾਵਾਂ

ਉਨ੍ਹਾਂ ਕਿਹਾ ਕਿ ਦਿੱਲੀ ਸਰਕਾਰ ਆਪਣੇ ਸਾਰੇ ਗੈਸਟ ਅਧਿਆਪਕਾਂ ਨੂੰ ਲੈ ਕੇ ਕਾਫੀ ਗੰਭੀਰ ਹਨ। ਅਸੀਂ ਚਾਹੁੰਦੇ ਹਾਂ ਤਿ ਉਨ੍ਹਾਂ ਦੀ ਸੇਵਾ ਲਗਾਤਾਰ ਜਾਰੀ ਰਹੇ। ਦਿੱਲੀ 'ਚ ਕਰੀਬ 22 ਹਜ਼ਾਰ ਗੈਸਟ ਅਧਿਆਪਕਾਂ ਕੰਮ ਕਰ ਰਹੇ ਹਨ। ਪਹਿਲੇ ਇਨ੍ਹਾਂ ਦੀ ਤਨਖਾਹ 17 ਹਜ਼ਾਰ ਰੁਪਏ ਸੀ, ਜਿਸ 'ਚ ਦਿੱਲੀ ਸਰਕਾਰ ਨੇ ਵਧਾ ਕੇ ਕਰੀਬ 35 ਹਜ਼ਾਰ ਰੁਪਏ ਕਰ ਦਿੱਤਾ ਹੈ। ਇਨ੍ਹਾਂ ਅਧਿਆਪਕਾਂ ਦਾ ਭਵਿੱਖ ਖਤਰੇ 'ਚ ਆ ਗਿਆ ਸੀ। ਦਿੱਲੀ ਸਰਕਾਰ 'ਤੇ ਗੈਸਟ ਅਧਿਆਪਕਾਂ ਤੋਂ ਇਲਾਵਾ ਹਾਈ ਕੋਰਟ ਦਾ ਵੀ ਦਬਾਅ ਹੈ, ਕਿਉਂਕਿ ਮਾਮਲਾ ਹਾਈ ਕੋਰਟ 'ਚ ਵਿਚਾਰਅਧੀਨ ਹੈ। ਹਰਿਆਣਾ 'ਚ ਗੈਸਟ ਅਧਿਆਪਕਾਂ ਲਈ ਨਿਯਮਤ ਅਧਿਆਪਕਾਂ ਦਾ ਤਰ੍ਹਾਂ ਪ੍ਰਬੰਧ ਹਨ। ਜਦੋਂ ਹਰਿਆਣਾ ਨੇ ਇਸ ਨੂੰ ਮਨਜ਼ੂਰੀ ਦਿੱਤੀ ਤਾਂ ਦਿੱਲੀ ਕਿਉਂ ਨਹੀਂ ਦੇ ਰਹੀ।

ਕੈਬਨਿਟ ਦੀ ਮਨਜ਼ੂਰੀ ਤੋਂ ਬਾਅਦ ਹੁਣ ਇਸ ਮਤੇ ਨੂੰ ਉਪਰਾਜਪਾਲ ਦੀ ਮਨਜ਼ੂਰੀ ਨਾਲ ਲਾਗੂ ਕੀਤਾ ਜਾ ਸਕਦਾ ਹੈ। ਉਪਰਾਜਪਾਲ ਕੋਲ ਇਸ ਨੂੰ ਮਨਜ਼ੂਰੀ ਦੇਣ ਦਾ ਅਧਿਕਾਰ ਹੈ। ਇਸ ਸਬੰਧੀ ਉਹ ਬੁੱਧਵਾਰ ਨੂੰ ਉਪਰਾਜਪਾਲ ਨਾਲ ਮਿਲਣ ਲਈ ਗਏ ਤੇ ਉਨ੍ਹਾਂ ਨੂੰ ਪੱਤਰ ਵੀ ਸੌਂਪਿਆ।

22 ਹਜ਼ਾਰ ਅਧਿਆਪਕਾਂ ਦੇ ਬਿਨਾਂ ਸਿੱਖਿਆ ਪ੍ਰਬੰਧ ਪੂਰੀ ਤਰ੍ਹਾਂ ਠੱਪ ਹੋ ਜਾਣਗੇ

ਮਨੀਸ਼ ਸਿਸੋਦੀਆ ਨੇ ਕਿਹਾ ਕਿ ਸਕੂਲਾਂ 'ਚ ਅਜੇ ਪੇਪਰ ਚੱਲ ਰਹੇ ਹਨ। ਜਿਨ੍ਹਾਂ ਦੀਆਂ ਜਮਾਤਾਂ ਦੇ ਪੇਪਰ ਹੋ ਰਹੇ ਚੁੱਕੇ ਹਨ, ਉਨ੍ਹਾਂ ਦੀ ਕਾਪੀ ਜਾਂਚ ਕੇ ਰਿਜ਼ਲਟ ਐਲਾਨ ਕਰਨੇ ਹਨ। ਇਕ ਅਪ੍ਰੈਲ ਤੋਂ ਨਵਾਂ ਸਿੱਖਿਆ ਸੈਸ਼ਨ ਸ਼ੁਰੂ ਹੋ ਜਾਵੇਗਾ। ਅਜਿਹੇ 'ਚ 22 ਹਜ਼ਾਰ ਅਧਿਆਪਕਾਂ ਦੇ ਸਿੱਖਿਆ ਪ੍ਰਬੰਧ ਪੂਰੀ ਤਰ੍ਹਾਂ ਠੱਪ ਹੋ ਜਾਵੇਗੀ। 58 ਹਜ਼ਾਰ ਅਧਿਆਪਕਾਂ 'ਚੋਂ 22 ਹਜ਼ਾਰ ਇਨ੍ਹਾਂ ਗੈਸਟ ਅਧਿਆਪਕਾਂ ਦੀ ਹੈ। ਦਿੱਲੀ ਸਰਕਾਰੀ ਸਕੂਲਾਂ 'ਚ ਗਰੀਬ ਪਰਿਵਾਰ ਦੇ ਬੱਚੇ ਪੜ੍ਹਦੇ ਹਨ। ਦਿੱਲੀ ਤੋਂ ਚੁਣੀ ਗਈ ਸਰਕਾਰ ਸਕੂਲ ਬਣਵਾਏਗੀ, ਉਸ ਨੂੰ ਚਲਾਏਗੀ ਤੇ ਪੜ੍ਹਾਈ ਕਰਵਾਏਗੀ, ਪਰ ਉਨ੍ਹਾਂ ਸਕੂਲਾਂ 'ਚ ਕਿੰਨੇ ਅਧਿਆਪਕ ਰੱਖਣੇ ਹਨ ਇਹ ਕੇਂਦਰ ਸਰਕਾਰ ਤੈਅ ਕਰੇਗੀ। ਇਹ ਕਿਥੋ ਦਾ ਪ੍ਰਬੰਧ ਹੈ। ਅਧਿਆਪਕਾਂ ਨੂੰ ਰੱਖਣਾ ਦਿੱਲੀ ਸਕਕਾਰ ਦੇ ਹੱਥ 'ਚ ਨਹੀਂ ਹੈ। ਕੀ ਇਹ ਸਹੀ ਹੈ ਕਿ ਅਧਿਆਪਕਾਂ ਦੀ ਸਿੱਖਿਅਕ ਯੋਗਤਾ ਤੇ ਭਰਤੀ ਪ੍ਰਕਿਰਿਆ ਕੇਂਦਰ ਸਰਕਾਰ ਤੈਅ ਕਰੇ।

ਨਵੀਂ ਦਿੱਲੀ: ਨਾਗਪੁਰ ਵਨਡੇਅ ਮੈਚ ਦੌਰਾਨ ਭਾਰਤੀ ਕ੍ਰਿਕਟ ਟੀਮ ਦੇ ਓਪਨਰ ਬੱਲੇਬਾਜ਼ ਰੋਹਿਤ ਸ਼ਰਮਾ 'ਤੇ ਸਾਰੇ ਕ੍ਰਿਕਟ ਫੈਨਸ ਦੀਆਂ ਨਜ਼ਰਾਂ ਟਿਕੀਆਂ ਸਨ। ਇਸ ਦਾ ਸਭ ਤੋਂ ਵੱਡਾ ਕਾਰਨ ਇਹ ਵੀ ਸੀ ਕਿ ਨਾਗਪੁਰ ਦੇ ਮੈਦਾਨ 'ਤੇ ਰੋਹਿਤ ਦਾ ਰਿਕਾਰਡ ਕਾਫ਼ੀ ਚੰਗਾ ਰਿਹਾ ਹੈ। ਇੰਨੇ ਸ਼ਾਨਦਾਰ ਰਿਕਾਰਡ ਦੇਖਦੇ ਹੋਏ ਸਭ ਦੀਆਂ ਉਮੀਦਾਂ ਉਨ੍ਹਾਂ ਤੋਂ ਵਧੀਆਂ ਸਨ ਕਿ ਉਹ ਇਕ ਵਾਰ ਫਿਰ ਤੋਂ ਵੱਡੀ ਪਾਰੀ ਖੇਡਣਗੇ ਪਰ ਇਸ ਦਿੱਗਜ ਬੱਲੇਬਾਜ਼ ਨੇ ਸਭ ਨੂੰ ਨਿਰਾਸ਼ ਕੀਤਾ।

ਦੂਸਰੇ ਵਨਡੇਅ 'ਚ ਪਹਿਲਾਂ ਬੱਲੇਬਾਜ਼ੀ ਲਈ ਭਾਰਤੀ ਟੀਮ ਮੈਦਾਨ 'ਤੇ ਆਈ। ਰੋਹਿਤ ਨੇ ਪਾਰੀ ਦੀ ਸ਼ੁਰੂਆਤ ਕੀਤੀ ਪਰ ਸਿਰਫ਼ ਛੇ ਗੇਂਦਾਂ ਦਾ ਸਾਹਮਣਾ ਕਰਨ ਤੋਂ ਬਾਅਦ ਇਹ ਜ਼ੀਰੋ 'ਤੇ ਆਊਟ ਹੋ ਕੇ ਪਵੇਲੀਅਨ ਗਏ। ਜ਼ੀਰੋ 'ਤੇ ਆਊਟ ਹੁੰਦੇ ਹੀ ਰੋਹਿਤ ਸ਼ਰਮਾ ਦੇ ਨਾਂ ਇਕ ਅਜਿਹਾ ਰਿਕਾਰਡ ਦਰਜ ਹੋ ਗਿਆ ਜੋ ਭਾਰਤੀ ਧਰਤੀ 'ਤੇ ਉਨ੍ਹਾਂ ਨਾਲ ਕਦੀ ਨਹੀਂ ਹੋਇਆ ਸੀ। ਰੋਹਿਤ ਨੇ ਜਦੋਂ ਪਾਰੀ ਦੀ ਸ਼ੁਰੂਆਤ ਕੀਤੀ ਤਾਂ ਉਹ ਲੈਅ 'ਚ ਨਹੀਂ ਲੱਗੇ। ਪਾਰੀ ਦਾ ਪਹਿਲਾ ਓਵਰ ਕਰ ਰਹੇ ਕਮਿੰਸ ਦੀਆਂ ਪਹਿਲੀਆਂ ਪੰਜ ਗੇਂਦਾਂ ਦਾ ਸਾਹਮਣਾ ਤਾਂ ਉਨ੍ਹਾਂ ਨੇ ਕਰ ਲਿਆ ਪਰ ਇਸ ਓਵਰ ਦੀ ਆਖ਼ਰੀ ਗੇਂਦ 'ਤੇ ਉਹ ਆਪਣਾ ਕੈਚ ਐਡਮ ਜੰਪਾ ਨੂੰ ਦੇ ਬੈਠੇ। ਇਸ ਮੈਚ 'ਚ ਆਊਟ ਹੋਣ ਤੋਂ ਬਾਅਦ ਰੋਹਿਤ ਸ਼ਰਮਾ ਭਾਰਤੀ ਧਰਤੀ 'ਤੇ ਪਹਿਲੀ ਵਾਰ ਜ਼ੀਰੋ 'ਤੇ ਆਊਟ ਹੋਏ। ਵਨਡੇਅ ਕ੍ਰਿਕਟ 'ਚ ਤਿੰਨ ਵਾਰ ਦੋਹਰਾ ਸੈਂਕੜਾ ਲਗਾ ਚੁੱਕੇ ਰੋਹਿਤ ਦੀ ਇਸ ਤਰ੍ਹਾਂ ਦੀ ਬੱਲੇਬਾਜ਼ੀ ਨੇ ਸਾਰਿਆਂ ਨੂੰ ਨਿਰਾਸ਼ ਕੀਤਾ।

ਦੂਸਰੇ ਵਨਡੇਅ 'ਚ ਭਾਰਤੀ ਟੀਮ ਨੇ ਕਪਤਾਨ ਵਿਰਾਟ ਕੋਹਲੀ ਦੀ 116 ਦੌੜਾਂ ਦੀ ਪਾਰੀ ਨਾਲ 250 ਦੌੜਾਂ ਬਣਾਈਆਂ ਅਤੇ ਇਸ ਦੇ ਜਵਾਬ 'ਚ ਮਹਿਮਾਨ ਟੀਮ 242 ਦੌੜਾਂ 'ਤੇ ਆਲ ਆਊਟ ਹੋ ਗਈ ਸੀ। ਭਾਰਤ ਨੂੰ ਇਸ ਮੈਚ 'ਚ ਅੱਠ ਦੌੜਾਂ ਨਾਲ ਜਿੱਤ ਮਿਲੀ। ਫਿਲਹਾਲ ਵਨਡੇਅ ਸੀਰੀਜ਼ 'ਚ ਭਾਰਤ ਨੇ ਆਸਟ੍ਰੇਲੀਆ 'ਤੇ 2-0 ਦੀ ਬੜ੍ਹਤ ਬਣਾ ਲਈ ਹੈ। ਇਸ ਮੈਚ 'ਚ ਕਮਾਲ ਦੀ ਗੱਲ ਇਹ ਸੀ ਕਿ ਭਾਰਤੀ ਟੀਮ ਦੇ ਦੋ ਬੱਲੇਬਾਜ਼ਾਂ ਜਿਨ੍ਹਾਂ ਦਾ ਰਿਕਾਰਡ ਇਸ ਮੈਦਾਨ 'ਤੇ ਚੰਗਾ ਸੀ ਉਹ ਚੱਲ ਨਹੀਂ ਸਕੇ। ਇਸ 'ਚ ਇਕ ਰੋਹਿਤ ਸਨ ਤੇ ਦੂਸਰੇ ਧੋਨੀ ਵੀ ਇਸ ਮੁਕਾਬਲੇ 'ਚ ਜ਼ੀਰੋ 'ਤੇ ਆਊਟ ਹੋ ਗਏ।

ਸਟਾਫ ਰਿਪੋਰਟਰ, ਪਟਿਆਲਾ- ਪਾਵਰਕਾਮ 'ਚ ਪਾਰਟ ਟਾਈਮ ਕੰਮ ਕਰਨ ਵਾਲੇ 7 ਮੁਲਾਜ਼ਮ ਪਾਣੀ ਦੀ ਟੈਂਕੀ 'ਤੇ ਚੜ੍ਹ ਗਏ ਹਨ। ਮੁਲਾਜ਼ਮਾਂ ਦੀ ਮੰਗ ਹੈ ਕਿ ਉਹ ਬੀਤੇ ਕਈ ਸਾਲਾਂ ਤੋਂ ਘੱਟ ਤਨਖਾਹ 'ਤੇ ਕੰਮ ਕਰ ਰਹੇ ਹਨ ਪਰ ਅੱਜ ਤੱਕ ਪੱਕਾ ਨਹੀਂ ਕੀਤਾ ਗਿਆ ਹੈ। ਟੈਂਕੀ 'ਤੇ ਚੜ੍ਹੇ ਮੁਲਾਜ਼ਮਾਂ 'ਚ ਇਕ ਬੁਜ਼ਰਗ ਮਾਤਾ ਵੀ ਸ਼ਾਮਲ ਹੈ।

ਸੁਸ਼ੀਲ ਕੁਮਾਰ ਸ਼ਸ਼ੀ, ਲੁਧਿਆਣਾ- ਵੀਰਵਾਰ ਤੜਕੇ ਨੂਰਾਵਾਲ ਪਿੰਡ 'ਚ ਉਸ ਵੇਲੇ ਦਹਿਸ਼ਤ ਦਾ ਮਾਹੌਲ ਬਣ ਗਿਆ ਜਦੋਂ ਇੱਕ ਨੌਜਵਾਨ ਨੇ 70 ਸਾਲਾਂ ਦੇ ਬਜ਼ੁਰਗ ਨੂੰ ਗੋਲੀਆਂ ਮਾਰ ਕੇ ਮੌਤ ਦੇ ਘਾਟ ਉਤਾਰ ਦਿੱਤਾ। ਕਤਲ ਹੋਏ ਵਿਅਕਤੀ ਦੀ ਪਛਾਣ ਨੂਰਾਵਾਲ ਪਿੰਡ ਦੇ ਵਾਸੀ ਬਲਬੀਰ ਸਿੰਘ(70) ਦੇ ਰੂਪ ਵਿੱਚ ਹੋਈ ਹੈ। ਮੌਕੇ 'ਤੇ ਪਹੁੰਚੀ ਥਾਣਾ ਮੇਹਰਬਾਨ ਦੀ ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਪੋਸਟ ਮਾਰਟਮ ਲਈ ਭੇਜ ਦਿੱਤਾ ਅਤੇ ਮਾਮਲੇ ਦੀ ਪੜਤਾਲ ਸ਼ੁਰੂ ਕਰ ਦਿੱਤੀ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਿਕ ਬਲਬੀਰ ਸਿੰਘ ਨੂਰਾਵਾਲ ਪਿੰਡ ਵਿੱਚ ਹੀ ਖੇਤੀਬਾੜੀ ਕਰਦੇ ਸਨ। ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਦੇ ਚਲਦੇ ਪੁਲਿਸ ਦੇ ਆਦੇਸ਼ ਸਨ ਕਿ ਸਾਰੇ ਅਸਲਾ ਧਾਰਕ ਆਪਣਾ ਅਸਲਾ ਜਮ੍ਹਾ ਕਰਵਾਉਣ।

ਸਾਰੇ ਪਿੰਡ ਨੇ ਆਪਣਾ ਅਸਲਾ ਜਮ੍ਹਾਂ ਕਰਵਾ ਦਿੱਤਾ ਪਰ ਪਿੰਡ ਦੇ ਇੱਕ ਨੌਜਵਾਨ ਨੇ ਅਸਲਾ ਜਮ੍ਹਾ ਨਹੀਂ ਕਰਵਾਇਆ। ਦੋ ਦਿਨ ਪਹਿਲਾਂ ਬਲਬੀਰ ਸਿੰਘ ਨੇ ਇਸ ਦੀ ਸ਼ਿਕਾਇਤ ਪੁਲਿਸ ਦੇ ਉੱਚ ਅਧਿਕਾਰੀਆਂ ਨੂੰ ਕੀਤੀ। ਨੌਜਵਾਨ ਨੂੰ ਜਿਸ ਤਰ੍ਹਾਂ ਹੀ ਪਤਾ ਲੱਗ ਗਿਆ ਕਿ ਉਸ ਦੀ ਸ਼ਿਕਾਇਤ ਬਲਬੀਰ ਸਿੰਘ ਨੇ ਕੀਤੀ ਹੈ ਤਾਂ ਉਹ ਗੁੱਸੇ ਵਿਚ ਭੜਕ ਗਿਆ । ਵੀਰਵਾਰ ਸਵੇਰੇ ਉਹ ਬਲਬੀਰ ਸਿੰਘ ਦੇ ਘਰ ਦੇ ਬਾਹਰ ਆਇਆ ਤੇ ਘਰ ਦੇ ਬਾਹਰ ਖੜ੍ਹੇ ਬਲਬੀਰ ਸਿੰਘ ਉੱਪਰ ਦੋ ਗੋਲੀਆਂ ਚਲਾ ਦਿੱਤੀਆਂ। ਗੋਲੀਆਂ ਉਸ ਦੀ ਗਰਦਨ ਦੇ ਕੋਲ ਲੱਗੀਆਂ ਤੇ ਸਿੱਟੇ ਵਜੋਂ ਬਲਬੀਰ ਸਿੰਘ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਇਸ ਮਾਮਲੇ 'ਚ ਥਾਣਾ ਮੇਹਰਬਾਨ ਦੀ ਪੁਲਿਸ ਸਾਰੇ ਮਾਮਲੇ ਦੀ ਡੂੰਘਾਈ ਨਾਲ ਪੜਤਾਲ ਕਰ ਰਹੀ ਹੈ।

ਨਵੀਂ ਦਿੱਲੀ : ਟੇਕ ਕੰਪਨੀ ਤੇ ਐਂਡਰਾਇਡ ਆਪਰੇਟਿੰਗ ਸਿਸਟਮ ਬਣਾਉਣ ਵਾਲੀ ਕੰਪਨੀ Google ਨੇ ਐਕਸੈੱਸ ਅਜੇ ਪਲੇ ਸਟੋਰ 'ਤੇ ਉਪਲਬਧ ਹੈ। ਇਸ ਐਪ ਨੂੰ ਫਿਲਹਾਲ ਸਿਰਫ ਐਂਡਰਾਇਡ ਡਿਵਾਈਸ ਲਈ ਲਾਂਚ ਕੀਤਾ ਗਿਆ ਹੈ। ਇਸ ਐਪ ਨੂੰ ਤੁਸੀਂ ਐਂਡਰਾਇਡ ਕਿਟਕੈਟ ਵਰਜਨ 4.4 ਤੋਂ ਉੱਪਰ ਆਪਰੇਟਿੰਗ ਸਿਸਟਮ 'ਚ ਵਰਤੋਂ ਕਰ ਸਕਦੇ ਹੋ।

ਇਹ ਐਪ ਪ੍ਰਾਇਮਰੀ ਸਕੂਲ ਦੇ ਬੱਚਿਆਂ ਨੂੰ ਹਿੰਦੀ ਤੇ ਅੰਗ੍ਰੇਜ਼ੀ ਸਿਖਾਏਗਾ। ਕੰਪਨੀ ਦੇ ਮੁਤਾਬਿਕ, ਇਹ ਐਪ ਆਰਟੀਫਿਸ਼ੀਅਲ ਨਾਲ ਲੈਸ ਟੈਕਸ-ਟੂ-ਸਪੀਚ ਤਕਨੀਕ 'ਤੇ ਕੰਮ ਕਰਵਾਏਗਾ। ਇਸ ਐਪ ਨੂੰ ਸਿਰਫ ਭਾਰਤੀ ਯੂਜ਼ਰਸ ਲਈ ਲਈ ਹੀ ਲਾਂਚ ਕੀਤਾ ਗਿਆ ਹੈ। ਇਸ ਐਪ ਨੂੰ ਇੰਸਟਾਲ ਕਰਦਿਆਂ ਹੀ ਇਸ 'ਚ ਇਕ ਐਨੀਮੇਸ਼ਨ ਕਰੈਕਟਰ ਦੀਆ ਆਉਂਦੀ ਹੈ ਤੇ ਬੱਚਿਆਂ ਨੂੰ ਕਹਾਣੀਆਂ ਪੜ੍ਹਨ ਲਈ ਪ੍ਰੇਰਿਤ ਕਰਦੀ ਹੈ। ਬੱਚੇ ਜੇਕਰ ਕਿਸੇ ਸ਼ਬਦ ਦਾ ਉਚਾਰਣ ਨਹੀਂ ਕਰ ਪਾਉਂਦੇ ਹਨ ਤਾਂ ਉਚਾਰਣ ਕਰਨ ਲਈ ਸਹਾਇਤਾ ਕਰਦੀ ਹੈ। ਇਸ ਤੋਂ ਇਲਾਵਾ ਕਹਾਣੀ ਪੂਰੀ ਕਰਨ 'ਤੇ ਬੱਚਿਆਂ ਦਾ ਮਨੋਬਲ ਵੀ ਵਧਾਉਂਦੀ ਹੈ।

Google ਇੰਡੀਆ ਦੇ ਪ੍ਰੋਡਕਟ ਮੈਨੇਜਰ ਨਿਤਿਨ ਕਸ਼ਿਅਪ ਨੇ ਕਿਹਾ, ਇਸ ਐਪ ਨੂੰ ਇਸ ਤਰ੍ਹਾਂ ਡਿਜ਼ਾਈਨ ਕੀਤਾ ਹੈ ਕਿ ਇਹ ਆਫਲਾਈਨ ਵੀ ਕੰਮ ਕਰ ਸਕੀਏ। ਇਸ ਲਈ ਬੱਸ 50ਐੱਮਬੀ ਦੇ ਇਸ ਐਪ ਨੂੰ ਇੰਸਟਾਲ ਕਰਨਾ ਹੋਵੇਗਾ। ਇਸ 'ਚ ਹਿੰਦੀ ਤੇ ਅੰਗ੍ਰੇਜ਼ੀ ਦੀਆਂ ਕਰੀਬ 100 ਕਹਾਣੀਆਂ ਦਿੱਤੀਆਂ ਗਈਆਂ ਹਨ। ਇਸ ਐਪ ਨੂੰ ਤੁਸੀਂ ਫ੍ਰੀ 'ਚ Google ਪੇਲ ਸਟੋਰ ਤੋਂ ਡਾਊਨਲੋਡ ਕਰ ਸਕੋਗੇ।

ਕਸ਼ਿਅਪ ਨੇ ਅੱਗੇ ਕਿਹਾ ਰਿ Google ਨੇ ਇਸ ਐਪ ਦਾ ਉੱਤਰ ਪ੍ਰਦੇਸ਼ ਦੇ ਕਰੀਬ 200 ਪਿੰਡਾਂ 'ਚ ਟੈਸਟ ਕਰਕੇ ਡਿਵੈਲਪ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਨਤੀਨਾ ਉਤਸ਼ਾਹਜਨਕ ਰਹਿਣ ਤੋਂ ਬਾਅਦ ਇਸ ਨੂੰ ਪੇਸ਼ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਐਪ 'ਚ ਬੰਗਾਲੀ ਜਿਹੀਆਂ ਹੋਰ ਭਾਰਤੀ ਭਾਸ਼ਾਵਾਂ ਨੂੰ ਵੀ ਸ਼ਾਮਲ ਕਰਨ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ।

ਸਟਾਫ ਰਿਪੋਰਟਰ, ਪਟਿਆਲਾ- ਖਾਲਸਾ ਕਾਲਜ 'ਚ ਦੂਸਰੀ ਗਲੋਬਲ ਪੰਜਾਬੀ ਕਾਨਫਰੰਸ ਦਾ ਆਗਾਜ਼ ਹੋ ਗਿਆ ਹੈ। ਇਸ ਮੌਕੇ ਪਦਮਸ਼੍ਰੀ ਸੁਰਜੀਤ ਪਾਤਰ, ਸਾਬਕਾ ਕੈਬਨਿਟ ਮੰਤਰੀ ਸੁਰਜੀਤ ਸਿੰਘ ਰੱਖੜਾ, ਐੱਨਆਰਆਈ ਸੁਖੀ ਬਾਠ, ਬਲਵਿੰਦਰ ਸਿੰਘ ਭੁੰਦੜ ਸਮੇਤ ਹੋਰ ਸ਼ਖਸੀਅਤਾਂ ਮੌਜੂਦ ਰਹਿਣਗੀਆਂ। ਦੁਪਹਿਰ ਨੂੰ ਮੀਡੀਆ ਸੈਸ਼ਨ ਕਾਨਫਰੰਸ ਹੋਵੇਗਾ, ਜਿਸ 'ਚ ਪੰਜਾਬੀ ਜਾਗਰਣ ਦੇ ਸੰਪਾਦਕ ਵਰਿੰਦਰ ਸਿੰਘ ਵਾਲੀਆ ਵਿਸ਼ੇਸ ਤੌਰ 'ਤੇ ਪੁੱਜ ਰਹੇ ਹਨ। ਕਾਲਜ ਦਾ ਸਮੁੱਚਾ ਮਾਹੌਲ ਪੰਜਾਬੀ ਸੱਭਿਆਚਾਰ ਵਿਚ ਰੰਗਿਆ ਹੋਇਆ ਹੈ।

ਇਸ ਕਾਨਫਰੰਸ ਦੌਰਾਨ ਗਲੋਬਲ ਪੰਜਾਬ ਰਤਨ ਦਾ ਅਵਾਰਡ ਰਤਨ ਸਿੰਘ ਜੱਗੀ, ਪੰਜਾਬੀ ਗੌਰਵ ਅਵਾਰਡ ਪ੍ਰਿੰਸੀਪਲ ਸਰਵਨ ਸਿੰਘ, ਗੁਰਭਜਨ ਗਿੱਲ, ਡਾ. ਸਤੀਸ਼ ਵਰਮਾ, ਡਾ. ਗੁਰਨਾਮ ਸਿੰਘ ਤੇ ਡਾ ਵਨੀਤਾ ਨੂੰ ਦਿੱਤਾ ਜਾਵੇਗਾ। ਮਾਨ ਪੰਜਾਬ ਦਾ ਅਵਾਰਡ ਗਲੋਬਲ ਹਸਤੀਆਂ ਨੂੰ ਦਿੱਤਾ ਜਾਵੇਗਾ। ਜਿਨਾਂ ਨੇ ਪੰਜਾਬ ਤੇ ਪੰਜਾਬੀਅਤ ਦਾ ਨਾਮ ਸੰਸਾਰ ਵਿਚ ਰੌਸ਼ਨ ਕੀਤਾ ਹੈ। ਇਨਾਂ ਵਿਚ ਐਸਪੀਐਸ ਓਬਰਾਏ, ਦਰਸ਼ਨ ਸਿੰਘ ਧਾਲੀਵਾਲ, ਸੁੱਖੀ ਬਾਠ, ਅਜਾਇਬ ਸਿੰਘ ਚੱਠਾ, ਰਵਿੰਦਰ ਨਰਾਇਣ ਦਾ ਨਾਮ ਸ਼ਾਮਲ ਹੈ।

ਜਿਨ੍ਹਾਂ 'ਚੋਂ ਦੋ ਦੀ ਹਾਲਤ ਜ਼ਿਆਦਾ ਗੰਭੀਰ ਦੱਸੀ ਜਾ ਰਹੀ ਹੈ। ਸਾਰੇ ਜ਼ਖ਼ਮੀਆਂ ਨੂੰ ਇਲਾਜ ਲਈ ਜੀਐੱਸਸੀ ਲਿਆਂਦਾ ਜਾ ਰਿਹਾ ਹੈ। ਪੁਲਿਸ ਨੇ ਸਾਰੇ ਇਲਾਕਿਆਂ ਨੂੰ ਸੀਲ ਕਰ ਦਿੱਤਾ ਹੈ। ਪਿਛਲੇ ਤਿੰਨ ਮਹੀਨਿਆਂ 'ਚ ਬੱਸ ਸਟੈਂਡ 'ਚ ਹੱਥਗੋਲਾ ਸੁੱਟੇ ਜਾਣ ਦੀ ਇਹ ਦੂਸਰੀ ਘਟਨਾ ਹੈ। ਪੂਰੀਬਿਓਰੇ ਦੀ ਉਡੀਕ ਹੈ।

ਅੱਜ ਦੀ ਗ੍ਰਹਿ ਸਥਿਤੀ : 8 ਮਾਰਚ 2019, ਸ਼ੁੱਕਰਵਾਰ, ਫੱਗਣ ਮਹੀਨਾ, ਸ਼ੁਕਲ ਪੱਖ, ਦਵਿੱਤੀਆ ਦਾ ਰਾਸ਼ੀਫਲ।

ਅੱਜ ਦਾ ਦਿਸ਼ਾਸ਼ੂਲ : ਪੱਛਮ।

ਅੱਜ ਦਾ ਰਾਹੂਕਾਲ : ਸਵੇਰੇ 10.30 ਵਜੇ ਤੋਂ ਦੁਪਹਿਰ 12.00 ਵਜੇ ਤਕ।

ਪੁਰਬ ਤੇ ਤਿਉਹਾਰ : ਫੁਲਰੀਆ ਦੂਜ।

ਵਿਸ਼ੇਸ਼ : ਬੁੱਧ ਅਸਤ ਪੱਛਮ 'ਚ।

ਮੇਖ : ਸਰਕਾਰੀ ਮੁਲਾਜ਼ਮ ਤੋਂ ਤਣਾਅ ਮਿਲ ਸਕਦਾ ਹੈ। ਅਜਿਹੀ ਹੀ ਸਥਿਤੀ ਗੁਆਂਢੀ ਜਾਂ ਦੋਸਤ ਨਾਲ ਹੋ ਸਕਦੀ ਹੈ। ਬੋਲਬਾਲ 'ਤੇ ਸੰਜ਼ਮ ਰੱਖੋ ਤੇ ਸਮਝੌਤੇ ਦੀ ਨੀਤੀ ਹਿੱਤ 'ਚ ਹੋਵੇਗੀ।

ਬ੍ਰਿਖ : ਯਾਤਰਾ ਦੀ ਸਥਿਤੀ ਸੁਖਦ ਰਹੇਗੀ। ਮੰਗਲ ਜਾਂ ਸੰਸਕ੍ਰਿਤਕ ਉਤਸਵ 'ਚ ਹਿੱਸੇਦਾਰੀ ਰਹੇਗੀ। ਸਹੁਰੇ ਪੱਖ ਤੋਂ ਤਣਾਅ ਮਿਲ ਸਕਦਾ ਹੈ। ਸੁਖਦ ਯਾਤਰਾ ਦੇ ਯੋਗ ਹਨ।

ਮਿਥੁਨ : ਸਿੱਖਿਆ ਮੁਕਾਬਲੇ ਦੇ ਖੇਤਰ 'ਚ ਚੱਲ ਰਹੇ ਯਤਨ 'ਚ ਵਾਧਾ ਹੋਵੇਗਾ। ਵਿਆਹੁਤਾ ਜੀਵਨ ਸੁਖੀ ਹੋਵੇਗਾ। ਉਪਹਾਰ ਜਾਂ ਸਨਮਾਨ 'ਚ ਵਾਧਾ ਹੋਵੇਗਾ। ਵਿਗੜੇ ਕੰਮ ਬਣਨਗੇ।

ਕਰਕ : ਸਿੱਖਿਆ ਮੁਕਾਬਲੇ ਦੇ ਖੇਤਰ 'ਚ ਸਫਲਤਾ ਮਿਲੇਗੀ। ਕਾਰੋਬਾਰੀ ਯਤਨਾਂ 'ਚ ਵਾਧਾ ਹੋਵੇਗਾ। ਭੱਜ-ਦੌੜ ਰਹੇਗੀ। ਉੱਚ ਅਧਿਕਾਰੀ ਦਾ ਸਹਿਯੋਗ ਮਿਲੇਗਾ। ਯਾਤਰਾ 'ਤੇ ਜਾਣ ਦੀ ਸੰਭਾਵਨਾ ਹੈ।

ਸਿੰਘ : ਕਿਸੇ ਮਹਿਲਾ ਅਧਿਕਾਰੀ ਕਾਰਨ ਤਣਾਅ ਮਿਲ ਸਕਦਾ ਹੈ। ਜੀਵਨਸਾਥੀ ਜਾਂ ਸਹੁਰਾ ਧਿਰ ਦਾ ਸਹਿਯੋਗ ਮਿਲੇਗਾ। ਰਚਨਾਤਮਕ ਕਾਰਜਾਂ 'ਚ ਸਫਲਤਾ ਮਿਲੇਗੀ।

ਕੰਨਿਆ : ਯਾਤਰਾ ਦੀ ਸਥਿਤੀ ਸੁਖਦ ਤੇ ਲਾਭਕਾਰੀ ਹੋਵੇਗੀ। ਮੰਗਲਿਕ ਜਾਂ ਸੱਭਿਆਚਾਰਕ ਪ੍ਰੋਗਰਾਮਾਂ 'ਚ ਹਿੱਸੇਦਾਰੀ ਰਹੇਗੀ। ਪਿਤਾ ਜਾਂ ਸਬੰਧਤ ਅਧਿਕਾਰੀ ਦਾ ਸਹਿਯੋਗ ਮਿਲੇਗਾ।

ਤੁਲਾ : ਵਿਆਹੁਤਾ ਜੀਵਨ ਸੁਖੀ ਹੋਵੇਗਾ, ਪਰ ਕੋਈ ਅਜਿਹੀ ਘਟਨਾ ਹੋ ਸਕਦੀ ਹੈ ਜੋ ਤੁਹਾਡੇ ਹਿੱਤ 'ਚ ਨਾ ਹੋਵੇ। ਸਿੱਖਿਆ ਮੁਕਾਬਲੇ ਦੀ ਦਿਸ਼ਾ 'ਚ ਚੱਲ ਰਿਹਾ ਯਤਨ ਸਫਲ ਹੋਵੇਗਾ।

ਬ੍ਰਿਸ਼ਚਕ : ਆਰਥਿਕ ਪੱਖ ਮਜ਼ਬੂਤ ਹੋਵੇਗਾ। ਧਨ, ਯਸ਼, ਕੀਰਤੀ 'ਚ ਵਾਧਾ ਹੋਵੇਗਾ। ਸਮਾਜਕ ਵੱਕਾਰ 'ਚ ਵਾਧਾ ਹੋਵੇਗਾ, ਪਰ ਸਿਹਤ ਪ੍ਰਤੀ ਸੁਚੇਤ ਰਹੋ। ਯਾਤਰਾ 'ਤੇ ਜਾਣ ਦੀ ਸੰਭਾਵਨਾ ਹੈ।

ਧਨੁ : ਰੁਜ਼ਗਾਰ ਦੇ ਖੇਤਰ 'ਚ ਤਰੱਕੀ ਹੋਵੇਗੀ। ਸ਼ਾਸਨ ਸੱਤਾ ਦਾ ਸਹਿਯੋਗ ਮਿਲੇਗਾ। ਪਰਿਵਾਰਕ ਜੀਵਨ ਸੁਖੀ ਹੋਵੇਗਾ। ਰਚਨਾਤਮਕ ਯਤਨਾਂ 'ਚ ਵਾਧਾ ਹੋਵੇਗਾ। ਦਿੱਤਾ ਗਿਆ ਕਰਜ਼ਾ ਵਾਪਸ ਮਿਲੇਗਾ।

ਮਕਰ : ਰੁਜ਼ਗਾਰ ਦੇ ਖੇਤਰ 'ਚ ਤਰੱਕੀ ਹੋਵੇਗੀ। ਚਲ ਜਾਂ ਅਚਲ ਜਾਇਦਾਦ 'ਚ ਵਾਧਾ ਹੋਵੇਗਾ। ਸਬੰਧਾਂ 'ਚ ਮਿਠਾਸ ਆਵੇਗੀ। ਰਚਨਾਤਮਕ ਯਤਨਾਂ 'ਚ ਵਾਧਾ ਹੋਵੇਗਾ। ਪੁਰਾਣੇ ਦੋਸਤਾਂ ਨਾਲ ਮੁਲਾਕਾਤ ਹੋਵੇਗੀ।

ਕੁੰਭ : ਸੰਤਾਨ ਦੀ ਜ਼ਿੰਮੇਵਾਰੀ ਦੀ ਪੂਰਤੀ ਹੋਵੇਗੀ। ਮਨ ਦੁਖੀ ਰਹੇਗਾ। ਫਿਜ਼ੂਲ ਦੀਆਂ ਸਮੱਸਿਆਵਾਂ ਨਾਲ ਘਿਰੇ ਰਹਿ ਸਕਦੇ ਹੋ, ਪਰ ਕਿਸੇ ਕੰਮ ਦੇ ਸੰਪੰਨ ਹੋਣ ਨਾਲ ਤੁਹਾਡਾ ਕਾਰੋਬਾਰੀ ਕੱਦ ਉੱਚਾ ਹੋ ਸਕਦਾ ਹੈ।

ਮੀਨ : ਰੁਜ਼ਗਾਰ ਦੇ ਖੇਤਰ 'ਚ ਤਰੱਕੀ ਹੋਵੇਗੀ। ਸ਼ਾਸਨ ਸੱਤਾ ਦਾ ਸਹਿਯੋਗ ਮਿਲੇਗਾ। ਆਰਥਿਕ ਪੱਖ ਮਜ਼ਬੂਤ ਹੋਵੇਗਾ। ਰਿਸ਼ਤਿਆਂ 'ਚ ਸੁਧਾਰ ਆਵੇਗਾ। ਯਾਤਰਾ 'ਤੇ ਜਾਣ ਦੀ ਸੰਭਾਵਨਾ ਹੈ।

ਰਾਂਚੀ : ਪੰਜ ਮੈਚਾਂ ਦੀ ਲੜੀ 'ਚ 2-0 ਦਾ ਵਾਧਾ ਲੈ ਚੁੱਕੀ ਭਾਰਤੀ ਟੀਮ ਸ਼ੁੱਕਰਵਾਰ ਨੂੰ ਜਦੋਂ ਆਸਟ੍ਰੇਲੀਆ ਖ਼ਿਲਾਫ਼ ਤੀਜੇ ਵਨ-ਡੇਅ 'ਚ ਜੇਐੱਸਸੀਏ ਸਟੇਡੀਅਮ 'ਚ ਉਤਰੇਗੀ ਤਾਂ ਉਸ ਦੀ ਨਜ਼ਰ ਸੀਰੀਜ਼ ਆਪਣੇ ਨਾਂ ਕਰਨ ਦੀ ਰਹੇਗੀ। ਇਸ ਦੇ ਨਾਲ ਹੀ ਵਿਰਾਟ ਦੀ ਟੀਮ ਰਾਂਚੀ 'ਚ ਆਪਣਾ ਅੰਤਿਮ ਕੌਮਾਂਤਰੀ ਮੈਚ ਖੇਡ ਰਹੇ ਮਹਿੰਦਰ ਸਿੰਘ ਧੋਨੀ ਨੂੰ ਵੀ ਜਿੱਤ ਦਾ ਤੋਹਫਾ ਦੇਣਾ ਚਾਹੇਗੀ।

ਜੇਐੱਸਸੀਏ ਸਟੇਡੀਅਮ 'ਚ ਧੋਨੀ ਵੀ ਆਪਣੇ ਇਸ ਮੈਚ ਨੂੰ ਯਾਦਗਾਰ ਬਣਾਉਣ ਦੇ ਇਰਾਦੇ ਨਾਲ ਉਤਰਨਗੇ। ਹਾਲਾਂਕਿ, ਇਸ ਮੈਦਾਨ 'ਤੇ ਧੋਨੀ ਦਾ ਬੈਟ ਖਾਮੋਸ਼ ਰਿਹਾ ਹੈ। ਇੱਥੇ ਖੇਡੇ ਦੋ ਕੌਮਾਂਤਰੀ ਮੈਚਾਂ 'ਚ ਉਨ੍ਹਾਂ 21 ਦੌੜਾਂ ਬਣਾਈਆਂ ਹਨ। ਕੋਹਲੀ ਦੀ ਅਗਵਾਈ ਹੇਠ ਟੀਮ ਇੰਡੀਆ ਭਲੇ ਹੀ ਟੀ-20 ਲੜੀ ਗੁਆ ਚੁੱਕੀ ਹੈ, ਪਰ ਵਨ-ਡੇਅ 'ਚ ਮਹਿਮਾਨ ਟੀਮ 'ਤੇ ਉਸ ਨੇ ਪੂਰਾ ਦਬਾਅ ਬਣਾ ਰੱਖਿਆ ਹੈ। ਤੀਜੇ ਮੈਚ 'ਚ ਲੋਕੇਸ਼ ਰਾਹੁਲ ਨੂੰ ਅੰਤਿਮ ਇਲੈਵਨ 'ਚ ਮੌਕਾ ਮਿਲ ਸਕਦਾ ਹੈ। ਸ਼ਾਇਦ ਇਸ ਦਾ ਇਸ਼ਾਰਾ ਰਾਹੁਲ ਨੂੰ ਵੀ ਦੇ ਦਿੱਤਾ ਗਿਆ ਹੈ, ਤਾਂ ਹੀ ਉਨ੍ਹਾਂ ਵੀਰਵਾਰ ਨੂੰ ਕਾਫੀ ਦੇਰ ਤਕ ਬੱਲੇਬਾਜ਼ੀ ਦਾ ਅਭਿਆਸ ਕੀਤਾ।

ਓਪਨਿੰਗ ਜੋੜੀ ਚਿੰਤਾ ਦਾ ਵਿਸ਼ਾ

ਭਾਰਤ ਦੀ ਸਲਾਮੀ ਜੋੜੀ ਅਜੇ ਤਕ ਇਸ ਲੜੀ 'ਚ ਉਮੀਦ ਮੁਤਾਬਕ ਪ੍ਰਦਰਸ਼ਨ ਨਹੀਂ ਕਰ ਪਾਈ ਹੈ। ਸ਼ਿਖਰ ਧਵਨ ਤੇ ਰੋਹਿਤ ਸ਼ਰਮਾ ਕੋਈ ਵੱਡੀ ਪਾਰੀ ਨਹੀਂ ਖੇਡ ਪਾਏ ਹਨ। ਪਹਿਲੇ ਮੈਚ 'ਚ ਸ਼ਿਖਰ ਧਵਨ ਖਾਤਾ ਤਕ ਨਹੀਂ ਖੋਲ ਪਾਏ ਤਾਂ ਦੂਜੇ ਮੈਚ 'ਚ 21 ਦੌੜਾਂ ਬਣਾਈਆਂ। ਉਥੇ ਰੋਹਿਤ ਸ਼ਰਮਾ ਨੇ ਪਹਿਲੇ ਮੈਚ 'ਚ 37 ਦੌੜਾਂ ਦੀ ਪਾਰੀ ਖੇਡੀ, ਜਦਕਿ ਦੂਜੇ 'ਚ ਬਿਨਾਂ ਖਾਤਾ ਖੋਲੇ ਪੈਵੇਲੀਅਨ ਪਰਤ ਗਏ ਸਨ। ਸ਼ਿਖਰ ਦਾ ਇਸ ਲੜੀ ਤੋਂ ਪਹਿਲਾ ਵੀ ਖ਼ਰਾਬ ਪ੍ਰਦਰਸ਼ਨ ਰਿਹਾ ਹੈ। ਉਹ ਪਿਛਲੇ 15 ਵਨ-ਡੇਅ ਮੈਚਾਂ 'ਚ ਸਿਰਫ ਦੋ ਅਰਧ ਸੈਂਕੜੇ ਲਗਾ ਪਾਏ ਹਨ। ਅਜਿਹੇ 'ਚ ਸ਼ਿਖਰ ਦੀ ਥਾਂ ਰਾਹੁਲ ਨੂੰ ਮੌਕਾ ਦਿੱਤਾ ਜਾ ਸਕਦਾ ਹੈ। ਉਥੇ, ਵਿਰਾਟ ਕੋਲ ਇਕ ਬਦਲ ਇਹ ਵੀ ਹੈ ਕਿ ਰਾਹੁਲ ਨੂੰ ਰਾਇਡੂ ਦੀ ਥਾਂ ਅਜਮਾਇਆ ਜਾਵੇ। ਅੰਤਿਮ ਇਲੈਵਨ 'ਚ ਬਦਲਾਅ ਹੋਣਾ ਸੰਭਵ ਹੈ।

ਬੱਲੇਬਾਜ਼ਾਂ 'ਤੇ ਸਵਾਲ

ਭਾਰਤ ਭਲੇ ਹੀ ਸੀਰੀਜ਼ 'ਚ 2-0 ਦਾ ਵਾਧਾ ਹਾਸਲ ਕਰ ਚੁੱਕਾ ਹੈ, ਪਰ ਦੋਵੇਂ ਹੀ ਮੁਕਾਬਲੇ ਕਰੀਬੀ ਰਹੇ ਹਨ। ਦੋਵੇਂ ਹੀ ਮੈਚਾਂ 'ਚ ਭਾਰਤ ਦੀ ਗੇਂਦਬਾਜ਼ੀ ਬਿਹਤਰੀਨ ਰਹੀ ਤੇ ਆਸਟ੍ਰੇਲੀਆ ਦੀ ਟੀਮ 250 ਦੌੜਾਂ ਦੇ ਸਕੋਰ ਤਕ ਪੁੱਜਣ 'ਚ ਨਾਕਾਮ ਰਹੀ। ਕੋਹਲੀ ਨੇ ਦੂਜੇ ਵਨ-ਡੇਅ 'ਚ ਜਾਮਥਾ ਦੀ ਧੀਮੀ ਪਿੱਚ 'ਤੇ ਸੈਂਕੜਾ ਮਾਰ ਕੇ ਆਪਣਾ ਕੌਸ਼ਲ ਵਿਖਾਇਆ, ਪਰ ਹੋਰ ਬੱਲੇਬਾਜ਼ ਹੁਣ ਤਕ ਉਮੀਦ ਮੁਤਾਬਕ ਪ੍ਰਦਰਸ਼ਨ ਨਹੀਂ ਕਰ ਪਾਏ। ਕੇਦਾਰ ਜਾਧਵ ਤੇ ਧੋਨੀ ਨੇ ਪਹਿਲੇ ਵਨ-ਡੇਅ 'ਚ ਭਾਰਤ ਦੀ ਜਿੱਤ 'ਚ ਅਹਿਮ ਭੂਮਿਕਾ ਨਿਭਾਈ ਸੀ, ਪਰ ਦੂਜੇ ਵਨ-ਡੇਅ 'ਚ ਇਹ ਦੋਵੇਂ ਹੀ ਬੁਰੀ ਤਰ੍ਹਾਂ ਅਸਫਲ ਰਹੇ।

ਸ਼ੰਮੀ-ਬੁਮਰਾਹ ਦੀ ਜੋੜੀ ਹਿੱਟ

ਮੁਹੰਮਦ ਸ਼ੰਮੀ ਤੇ ਜਸਪ੍ਰੀਤ ਬੁਮਰਾਹ ਨੇ ਹੁਣ ਤਕ ਦੋ ਮੈਚਾਂ 'ਚ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਸ਼ੰਮੀ ਨੇ ਪਹਿਲੇ ਮੈਚ 'ਚ ਪਹਿਲੇ ਸਪੈਲ 'ਚ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ, ਜਦਕਿ ਬੁਮਰਾਹ ਨੇ ਦੂਜੇ ਮੈਚ 'ਚ ਇਕ ਵਾਰ ਫਿਰ ਡੈਥ ਓਵਰ 'ਚ ਗੇਂਦਬਾਜ਼ੀ ਕੀਤੀ। ਰਵਿੰਦਰ ਜਡੇਜਾ ਨੇ ਵਿਚਾਲੇ ਦੇ ਓਵਰਾਂ 'ਚ ਕੁਲਦੀਪ ਯਾਦਵ ਨਾਲ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ। ਆਰਾਮ ਮਗਰੋਂ ਟੀਮ 'ਚ ਭੁਵਨੇਸ਼ਵਰ ਕੁਮਾਰ ਦੀ ਵਾਪਸੀ ਹੋਈ ਹੈ, ਜਿਸ ਨਾਲ ਟੀਮ ਦੀ ਗੇਂਦਬਾਜ਼ੀ ਹੋਰ ਮਜ਼ਬੂਤ ਹੋ ਗਈ ਹੈ।

ਵਿਜੈ ਸ਼ੰਕਰ ਨੇ ਜਿੱਤਿਆ ਕਪਤਾਨ ਦਾ ਭਰੋਸਾ

ਦੂਜੇ ਮੈਚ ਦਾ ਸਭ ਤੋਂ ਸਕਾਰਾਤਮਕ ਪੱਖ ਜਾਧਵ ਤੇ ਵਿਜੈ ਸ਼ੰਕਰ ਦਾ ਮਿਲ ਕੇ ਪੰਜਵੇਂ ਗੇਂਦਬਾਜ਼ ਦੀ ਭੂਮਿਕਾ ਸਫਲਤਾਪੂਰਵਕ ਨਿਭਾਉਣਾ ਰਿਹਾ। ਸ਼ੰਕਰ ਨੇ ਅੰਤਿਮ ਓਵਰ 'ਚ ਦੋ ਵਿਕਟਾਂ ਝਟਕਾ ਕੇ ਭਾਰਤ ਨੂੰ ਜਿੱਤ ਦਿਵਾਈ, ਜਿਸ ਨਾਲ ਕਪਤਾਨ ਅੰਦਰ ਵੀ ਭਰੋਸਾ ਆਇਆ ਹੋਵੇਗਾ ਕਿ ਜੇਕਰ ਹਾਰਦਿਕ ਪਾਂਡਿਆ ਨਹੀਂ ਖੇਡ ਪਾਉਂਦੇ ਤਾਂ ਉਹ ਤਾਮਿਲਨਾਡੂ ਦੇ ਇਸ ਆਲ ਰਾਊਂਡਰ 'ਤੇ ਨਿਰਭਰ ਕਰ ਸਕਦੇ ਹਨ।

ਲੜੀ 'ਚ ਬਣੇ ਰਹਿਣਾ ਚਾਹੇਗੀ ਆਸਟ੍ਰੇਲੀਆ ਟੀਮ

ਆਸਟ੍ਰੇਲੀਆਈ ਟੀਮ ਇਸ ਮੈਚ ਨੂੰ ਜਿੱਤ ਕੇ ਲੜੀ ਨੂੰ ਜ਼ਿੰਦਾ ਰੱਖਣਾ ਚਾਹੇਗੀ। 2013 'ਚ ਇਸ ਮੈਦਾਨ 'ਤੇ ਆਸਟ੍ਰੇਲੀਆਈ ਟੀਮ ਨੇ ਮੈਚ ਖੇਡਿਆ ਸੀ। ਜਾਰਜ ਬੇਲੀ ਦੀ ਕਪਤਾਨੀ ਵਾਲੀ ਟੀਮ 'ਚ ਆਰੋਨ ਫਿੰਚ ਤੇ ਮੈਕਸਵੇਲ ਸ਼ਾਮਿਲ ਸਨ। ਉਹ ਮੈਚ ਬਾਰਿਸ਼ ਕਾਰਨ ਰੱਦ ਹੋ ਗਿਆ ਸੀ। ਇਨ੍ਹਾਂ ਤੋਂ ਇਲਾਵਾ ਹੋਰ ਖਿਡਾਰੀ ਪਹਿਲੀ ਵਾਰ ਇਸ ਮੈਦਾਨ 'ਤੇ ਵਨ-ਡੇਅ ਮੈਚ ਖੇਡ ਰਹੇ ਹਨ। ਕਪਤਾਨ ਫਿੰਚ ਦਾ ਫਾਰਮ ਟੀਮ ਲਈ ਚਿੰਤਾ ਦਾ ਵਿਸ਼ਾ ਹੈ। ਫਿੰਚ ਇਸ ਮੈਚ 'ਚ ਵਾਪਸੀ ਕਰਨਾ ਚਾਹੁਣਗੇ। ਉਥੇ, ਇਸ ਦੌਰੇ 'ਚ ਸ਼ਾਨਦਾਰ ਫਾਰਮ 'ਚ ਚੱਲ ਰਹੇ ਮੈਕਸਵੇਲ ਤੋਂ ਕੋਚ ਲੇਂਗਰ ਇਕ ਵੱਡੀ ਪਾਰੀ ਦੀ ਉਮੀਦ ਲਗਾਏ ਬੈਠੇ ਹੋਣਗੇ।

ਟੀਮਾਂ

ਭਾਰਤ : ਵਿਰਾਟ ਕੋਹਲੀ (ਕਪਤਾਨ), ਸ਼ਿਖਰ ਧਵਨ, ਰੋਹਿਤ ਸ਼ਰਮਾ, ਅੰਬਾਤੀ ਰਾਇਡੂ, ਮਹਿੰਦਰ ਸਿੰਘ ਧੋਨੀ, ਕੇਦਾਰ ਜਾਧਵ, ਵਿਜੈ ਸ਼ੰਕਰ, ਜਸਪ੍ਰੀਤ ਬੁਮਰਾਹ, ਮੁਹੰਮਦ ਸ਼ੰਮੀ, ਕੁਲਦੀਪ ਯਾਦਵ, ਯੁਜਵੇਂਦਰਾ ਸਿੰਘ ਚਹਿਲ, ਰਿਸ਼ਭ ਪੰਤ, ਸਿਧਾਰਥ ਕੌਲ, ਕੇਐੱਲ ਰਾਹੁਲ, ਰਵਿੰਦਰ ਜਡੇਜਾ।

ਆਸਟ੍ਰੇਲੀਆ : ਆਰੋਨ ਫਿੰਚ (ਕਪਤਾਨ), ਡਾਰਸੀ ਸ਼ਾਰਟ, ਸ਼ਾਨ ਮਾਰਸ਼, ਮਾਰਕਸ ਸਟੇਈਨਿਸ, ਉਸਮਾਨ ਖਵਾਜਾ, ਗਲੇਨ ਮੈਕਸਵੇਲ, ਐਲੇਕਸ ਕੈਰੀ, ਪੀਟਰ ਹੈਂਡਸਕੋਂਬ, ਏਸ਼ਟਨ ਟਰਨਰ, ਏਡਮ ਜਾਂਪਾ, ਜੇਸਨ ਬੇਹਰਨਡ੍ਰਾਫ, ਝੇਈ ਰਿਚਰਡਸਨ, ਪੈਟ ਕਮਿਨਜ਼, ਐਂਡਰਿਊ ਟਾਈ, ਨਾਥਨ ਕੂਲਟਰ ਨਾਈਲ, ਨਾਥਨ ਲਿਓਨ।

ਪੰਪੋਸ਼ ਰਸ਼ੀਦ, ਬਾਰਾਮੁੱਲਾ : ਤਬਸੁੱਮ ਗੁਰੂ, ਇਕ ਅਜਿਹੀ ਮਾਂ ਜੋ ਅਤੀਤ ਦੇ ਸੰਘਣੇ ਹਨੇਰੇ ਤੋਂ ਬਚਾ ਕੇ ਲਾਡਲੇ ਨੂੰ ਸੁਨਹਿਰੇ ਭਵਿੱਖ ਦੀ ਰਾਹ 'ਤੇ ਲਿਜਾ ਰਹੀ ਹੈ। ਸੰਸਦ ਹਮਲੇ ਦੇ ਮੁੱਖ ਸਾਜ਼ਿਸ਼ਕਰਤਾ ਅਫਜ਼ਲ ਗੁਰੂ ਨੂੰ ਫਾਂਸੀ ਦੀ ਸਜ਼ਾ ਸੁਣਾਈ ਗਈ ਤਾਂ ਉਨ੍ਹਾਂ ਦੀ ਵਿਧਵਾ ਤਬਸੁੱਮ ਗੁਰੂ ਲਈ ਜੀਵਨ ਹਨੇਰੀ ਦੁਨੀਆ ਤੋਂ ਘੱਟ ਨਹੀਂ ਸੀ। ਸਾਰੇ ਹਮਦਰਦ ਗ਼ਾਇਬ ਹੋ ਗਏ। ਚੁਣੌਤੀ ਸੀ ਬੇਟੇ ਗ਼ਾਲਿਬ ਨੂੰ ਬਿਹਤਰ ਜੀਵਨ ਦੇਣ ਦੀ। ਉਹ ਵੀ ਉਸ ਮਾਹੌਲ 'ਚ ਜਦੋਂ ਅਫਜ਼ਲ ਗੁਰੂ ਦੇ ਨਾਂ 'ਤੇ ਕਸ਼ਮੀਰ 'ਚ ਨਕਾਰਾਤਮਕ ਹਵਾ ਫੈਲਾਈ ਜਾ ਰਹੀ ਸੀ, ਤਬਸੁੱਮ ਗ਼ਾਲਿਬ ਨੂੰ ਹਰ ਬੁਰੀ ਨਜ਼ਰ ਤੋਂ ਬਚਾਉਂਦੇ ਹੋਏ ਸੁਪਨੇ ਪੂਰੇ ਕਰਨ ਦੀ ਰਾਹ 'ਤੇ ਅੱਗੇ ਵਧਦੀ ਰਹੀ। ਉਹ ਸੁਪਨਾ ਹੈ ਬੇਟੇ ਨੂੰ ਡਾਕਟਰ ਬਣਾਉਣ ਦਾ।

18 ਸਾਲ ਦਾ ਹੋ ਚੁੱਕਾ ਗ਼ਾਲਿਬ ਵੀ ਮਾਂ ਦੇ ਸੰਘਰਸ਼ ਨੂੰ ਸਮਝਦਾ ਹੈ। ਇਸ ਲਈ ਆਪਣੀ ਸਾਰੀ ਊਰਜਾ ਉਸ ਨੇ ਮਾਂ ਦੇ ਸੁਪਨੇ ਨੂੰ ਪੂਰਾ ਕਰਨ 'ਤੇ ਖ਼ਰਚ ਕਰ ਦਿੱਤੀ ਹੈ। ਅਫਜ਼ਲ ਗੁਰੂ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਸ਼ੁਰੂ ਹੋਇਆ ਸੰਘਰਸ਼ ਹਾਲੇ ਵੀ ਲਗਾਤਾਰ ਜਾਰੀ ਹੈ। ਦੈਨਿਕ ਜਾਗਰਣ ਨਾਲ ਗੱਲਬਾਤ 'ਚ ਤਬਸੁੱਮ ਨੇ ਦੱਸਿਆ, ਗ਼ਾਲਿਬ ਦੇ ਪਿਤਾ ਦੇ ਚਲੇ ਜਾਣ ਤੋਂ ਬਾਅਦ ਜੀਵਨ 'ਚ ਸੰਘਣਾ ਹਨੇਰਾ ਸੀ। ਪਰ ਨਾਲ ਹੀ ਮਾਸੂਮ ਗ਼ਾਲਿਬ ਦੇ ਤੌਰ 'ਤੇ ਇਕ ਉਮੀਦ ਦੀ ਕਿਰਨ ਵੀ ਸੀ। ਅਫਜ਼ਲ ਦਾ ਵੀ ਸੁਪਨਾ ਸੀ ਕਿ ਬੇਟਾ ਡਾਕਟਰ ਬਣੇ। ਇਸੇ ਉਮੀਦ ਦਾ ਪੱਲਾ ਫੜ ਤਮਾਮ ਸੰਘਰਸ਼ ਕੀਤੇ ਤੇ ਇਸ ਰਾਹ 'ਤੇ ਅੱਗੇ ਵਧਦੀ ਰਹੀ। ਨਾਲ ਹੀ ਬੇਟੇ ਦੀ ਰਾਹ 'ਚ ਆਉਣ ਵਾਲੀ ਹਰ ਚੁਣੌਤੀ ਸਾਹਮਣੇ ਵੀ ਢਾਲ ਬਣ ਕੇ ਖੜ੍ਹੇ ਰਹਿਣਾ ਪਿਆ।

ਲਾਡਲੇ ਨੂੰ ਬਿਹਤਰ ਜੀਵਨ ਦੇਣ ਲਈ 2003 ਤੋਂ ਸਿਰਫ਼ 1500 ਰੁਪਏ ਮਹੀਨਾ 'ਤੇ ਹਸਪਤਾਲ 'ਚ ਸਫ਼ਾਈ ਮੁਲਾਜ਼ਮ ਦਾ ਕੰਮ ਸ਼ੁਰੂ ਕੀਤਾ। ਸੋਪੋਰ ਦੇ ਇਕ ਹਸਪਤਾਲ 'ਚ ਸਫ਼ਾਈ ਤੇ ਦੇਖਭਾਲ ਦੀ ਨੌਕਰੀ ਕਰਦਿਆਂ ਗ਼ਾਲਿਬ ਨੂੰ ਬਿਹਤਰ ਸਿੱਖਿਆ ਦੇਣਾ ਆਸਾਨ ਨਹੀਂ ਸੀ। ਤਬਸੁੱਮ ਨੇ ਕਿਹਾ, ਜ਼ਿੰਦਗੀ ਆਸਾਨ ਨਹੀਂ ਸੀ। ਹੌਲੀ-ਹੌਲੀ ਇਹ ਰਾਸ਼ੀ ਵਧ ਕੇ 3000 ਰੁਪਏ ਹੋ ਗਈ। ਕੁਝ ਪਰਿਵਾਰ ਨੇ ਸਾਥ ਦਿੱਤਾ ਤੇ ਕੁਝ ਆਪਣਾ ਸੰਘਰਸ਼, ਹਾਲਾਤ ਨਾਲ ਲੜਦੇ ਹੋਏ ਬੇਟੇ ਨੂੰ ਅੱਗੇ ਵਧਾਉਂਦੀ ਰਹੀ। ਇਸ ਤੋਂ ਇਲਾਵਾ ਪਿਤਾ ਤੇ ਭਰਾਵਾਂ ਨੇ ਸਾਥ ਦਿੱਤਾ। ਇਸ ਤਰ੍ਹਾਂ ਹੁਣ ਤਕ ਗ਼ਾਲਿਬ ਨੂੰ ਆਸਪਾਸ ਦੇ ਮਾਹੌਲ ਤੋਂ ਦੂਰ ਰੱਖਿਆ ਤੇ ਉਸ ਨੂੰ ਆਪਣੇ ਸੁਪਨੇ ਜਿਊਣ ਦਾ ਟੀਚਾ ਦਿੱਤਾ।

ਤਬਸੁੱਮ ਨੇ ਦੱਸਿਆ, ਸ਼ੁਰੂਆਤੀ ਦੌਰ 'ਚ ਬੇਟੇ ਨੂੰ ਆਰਮੀ ਦੇ ਟਾਈਗਰ ਡਵੀਜ਼ਨ ਸਕੂਲ 'ਚ ਪੜ੍ਹਾਇਆ ਕਿਉਂਕਿ ਨਿੱਜੀ ਸਕੂਲ 'ਚ ਪੜ੍ਹਾਉਣ ਲਈ ਪੈਸਾ ਨਹੀਂ ਸੀ। ਉਸ ਤੋਂ ਬਾਅਦ ਉਹ ਕੁਝ ਸਾਲ ਬਾਰਾਮੁੱਲਾ ਦੇ ਨਿੱਜੀ ਸਕੂਲ 'ਚ ਗਿਆ। ਬਾਅਦ 'ਚ ਉਸ ਨੂੰ ਆਪਣੇ ਕੋਲ ਸੋਪੋਰ ਲੈ ਆਈ। ਬੇਟੇ ਦੀ ਸਕੂਲ ਫੀਸ ਵਧੀ ਤਾਂ ਹਸਪਤਾਲ 'ਚ ਵਾਧੂ ਕੰਮ ਕਰਦੀ। ਪਿਤਾ ਭਰਾਵਾਂ ਨੇ ਕੁਝ ਜ਼ਮੀਨ ਮੇਰੇ ਨਾਂ ਕਰ ਦਿੱਤੀ। ਇਸ ਨਾਲ ਕੁਝ ਆਸਾਨੀ ਹੋਈ।

ਬਕੌਲ ਤਬਸੁੱਮ, ਸਮਾਂ ਗੁਜ਼ਰਦਾ ਰਿਹਾ ਤੇ ਮੈਂ ਸਮੇਂ ਦੇ ਨਾਲ ਚੱਲਣਾ ਸਿੱਖ ਲਿਆ। ਗ਼ਾਲਿਬ ਵੀ ਇਸ ਸੰਘਰਸ਼ ਨੂੰ ਸਮਝਦਾ ਹੈ ਤਾਂ ਹੀ ਉਸ ਨੇ ਸਿੱਖਿਆ ਤੋਂ ਇਲਾਵਾ ਕਿਤੇ ਹੋਰ ਧਿਆਨ ਨਹੀਂ ਦਿੱਤਾ ਤੇ ਨਾ ਹੀ ਕਦੀ ਕੋਈ ਵੱਡੀ ਫਰਮਾਇਸ਼ ਕੀਤੀ। ਦਸਵੀਂ 'ਚ 95 ਫ਼ੀਸਦੀ ਤੇ 12ਵੀਂ 'ਚ 89 ਫ਼ੀਸਦੀ ਅੰਕ ਲੈ ਕੇ ਗ਼ਾਲਿਬ ਸੁਪਨਿਆਂ ਨੂੰ ਪੂਰਾ ਕਰਨ ਦੀ ਰਾਹ 'ਤੇ ਹੈ। ਇਸ ਸਮੇਂ ਉਹ ਨੈਸ਼ਨਲ ਐਲਿਜੀਬਿਲਟੀ ਐਂਟਰੈਂਸ ਟੈਸਟ (ਨੀਟ) ਦੀ ਤਿਆਰੀ ਕਰ ਰਿਹਾ ਹੈ ਤਾਂਕਿ ਉਹ ਡਾਕਟਰ ਬਣ ਕੇ ਇਨਸਾਨੀਅਤ ਦੀ ਸੇਵਾ ਕਰ ਸਕੇ।

ਜਦੋਂ ਈਦ ਲਈ ਨਵੇਂ ਕੱਪੜੇ ਲੈਣ ਤੋਂ ਕੀਤਾ ਮਨ੍ਹਾਂ...

ਤਬਸੁੱਮ ਨੇ ਦੱਸਿਆ, ਗ਼ਾਲਿਬ ਨੇ ਛੋਟੀ ਉਮਰ 'ਚ ਸੰਜੀਦਗੀ ਹਾਸਲ ਕਰ ਲਈ ਸੀ। ਉਹ ਉਦੋਂ ਛੇਵੀਂ ਜਮਾਤ 'ਚ ਸੀ, ਜਦੋਂ ਉਸ ਨੂੰ ਈਦ ਲਈ ਨਵੇਂ ਕੱਪੜੇ ਦਿਵਾਉਣ ਲੈ ਗਈ। ਗ਼ਾਲਿਬ ਨੇ ਕੱਪੜੇ ਦੀ ਕੀਮਤ ਵੇਖੀ ਤੇ ਕਹਿ ਦਿੱਤਾ ਕਿ ਮੇਰੇ ਕੋਲ ਚੰਗੇ ਕੱਪੜੇ ਹਨ, ਮੈਂ ਈਦ 'ਤੇ ਉਹੀ ਪਾ ਲਵਾਂਗਾ।

ਮਾਂ ਨੇ ਅੱਤਵਾਦੀਆਂ ਤੋਂ ਬਚਾਇਆ...

ਗ਼ਾਲਿਬ ਦਾ ਕਹਿਣਾ ਹੈ ਕਿ ਉਸ ਦੀ ਮਾਂ ਤਬਸੁੱਮ ਨੇ ਉਸ ਨੂੰ ਹਰ ਤਰ੍ਹਾਂ ਦੇ ਦਬਾਅ ਤੋਂ ਬਾਹਰ ਰੱਖਿਆ। ਉਸ ਦੀ ਮਾਂ ਹੀ ਉਸ ਦੀ ਪਹਿਲ ਹੈ। ਲੋਕ ਹੀ ਕਹਿੰਦੇ ਹਨ ਇਸ 'ਤੇ ਉਸ ਨੇ ਕਦੀ ਵੀ ਨਹੀਂ ਸੋਚਿਆ। ਉਸ ਦੀ ਮਾਂ ਨੇ ਉਸ ਨੂੰ ਉਨ੍ਹਾਂ ਅੱਤਵਾਦੀ ਸੰਗਠਨਾਂ ਦੀ ਸੋਚ ਤੋਂ ਬਚਾਇਆ ਹੈ, ਜੋ ਨਫਰਤ ਫੈਲਾਉਂਦੇ ਆਏ ਹਨ। ਉਹ ਕਹਿੰਦਾ ਹੈ, ਮਾਂ ਨੇ ਮੇਰੇ ਲਈ ਇਸ ਮਾਹੌਲ ਵਿਚਕਾਰ ਵੀ ਇਕ ਵੱਖਰੀ ਹੀ ਜਗ੍ਹਾ ਬਣਾਈ। ਉਹ ਕਹਿੰਦੀ ਰਹੀ ਕਿ ਕਿਸੇ ਦੀ ਗੱਲ 'ਤੇ ਧਿਆਨ ਨਹੀਂ ਦੇਣਾ। ਜੇਕਰ ਕੋਈ ਤੈਨੂੰ ਕੁਝ ਕਹਿੰਦਾ ਵੀ ਹੈ ਤਾਂ ਉਸ 'ਤੇ ਕੋਈ ਵੀ ਪ੍ਰਤੀਕਿਰਿਆ ਨਾ ਦਿਓ, ਚੁੱਪ ਰਹੋ।

ਇਸਲਾਮਾਬਾਦ : ਸੰਯੁਕਤ ਰਾਸ਼ਟਰ ਦੀ ਇਕ ਟੀਮ ਜਮਾਤ-ਉਦ-ਦਾਵਾ ਦੇ ਮੁਖੀ ਹਾਫਿਜ਼ ਸਈਦ ਤੋਂ ਪੁੱਛਗਿੱਛ ਕਰਨ ਲਈ ਪਾਕਿਸਤਾਨ ਆਉਣਾ ਚਾਹੁੰਦੀ ਸੀ, ਪਰ ਪਾਕਿਸਤਾਨ ਨੇ ਯੂਐੱਨ ਦੇ ਮੈਂਬਰਾਂ ਦੀ ਵੀਜ਼ਾ ਪਟੀਸ਼ਨ ਨੂੰ ਠੁਕਰਾ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ ਉਹ ਮੁੰਬਈ ਹਮਲਿਆਂ ਦਾ ਮਾਸਟਰ ਮਾਈਂਡ ਹੈ, ਜਿਸ ਵਿਚ 166 ਲੋਕ ਮਾਰੇ ਗਏ ਸਨ। ਮੁੰਬਈ ਹਮਲਿਆਂ ਤੋਂ ਬਾਅਦ ਭਾਰਤ ਨੇ ਅੱਤਵਾਦ ਖ਼ਿਲਾਫ਼ ਆਲਮੀ ਪੱਧਰ 'ਤੇ ਜੰਗ ਛੇੜੀ ਸੀ।

ਭਾਰਤ ਲਗਾਤਾਰ ਹਾਫਿਜ਼ ਸਈਦ ਅਤੇ ਪਾਕਿਸਤਾਨ ਵਿਚ ਸਰਗਰਮ ਅੱਤਵਾਦੀ ਸੰਗਠਨਾਂ ਨੂੰ ਪਾਬੰਦੀਸ਼ੁਦਾ ਕਰਨ ਲਈ ਯੂਐੱਨ ਵਿਚ ਦਬਾਅ ਬਣਾ ਰਿਹਾ ਸੀ। ਇਸ ਲੜਾਈ ਵਿਚ ਭਾਰਤ ਨੂੰ ਕਈ ਦੇਸ਼ਾਂ ਦੀ ਹਮਾਇਤ ਵੀ ਮਿਲੀ ਸੀ ਅਤੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਨੇ 2008 ਦੇ ਮੁੰਬਈ ਹਮਲੇ ਤੋਂ ਬਾਅਦ ਜਮਾਤ-ਉਦ-ਦਾਵਾ ਦੇ ਮੁਖੀ ਹਾਫਿਜ਼ 'ਤੇ 10 ਦਸੰਬਰ 2008 ਨੂੰ ਪਾਬੰਦੀ ਲਗਾਈ ਸੀ। ਹਾਲਾਂਕਿ, ਪਾਕਿਸਤਾਨ ਨੇ ਨਵੰਬਰ 2017 ਵਿਚ ਹਾਫਿਜ਼ ਨੂੰ ਨਜ਼ਰਬੰਦੀ ਤੋਂ ਰਿਹਾਅ ਕਰ ਦਿੱਤਾ ਸੀ।

ਇਸ ਮਾਮਲੇ ਵਿਚ ਹਾਫਿਜ਼ ਸਈਦ ਨੇ ਆਪਣਾ ਨਾਂ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਦੀ ਪਾਬੰਦੀ ਸੂਚੀ ਤੋਂ ਹਟਵਾਉਣ ਲਈ ਯੂਐੱਨ ਵਿਚ ਪਟੀਸ਼ਨ ਦਾਇਰ ਕੀਤੀ ਸੀ। ਇਸੇ ਸਬੰਧ ਵਿਚ ਇਹ ਟੀਮ ਪਾਕਿਸਾਨ ਵਿਚ ਜਮਾਤ-ਉਦ-ਦਾਵਾ ਮੁਖੀ ਤੋਂ ਪੁੱਛਗਿੱਛ ਕਰਨਾ ਚਾਹੁੰਦੀ ਸੀ। ਪਰ ਪਾਕਿਸਤਾਨ ਨੇ ਉਨ੍ਹਾਂ ਦੀ ਇਸ ਮੰਗ ਨੂੰ ਖਾਰਜ ਕਰ ਦਿੱਤਾ। ਇਸ ਤੋਂ ਬਾਅਦ ਸੰਯੁਕਤ ਰਾਸ਼ਟਰ ਨੇ ਹਾਫਿਜ਼ ਦੀ ਉਹ ਪਟੀਸ਼ਨ ਖਾਰਜ ਕਰ ਦਿੱਤੀ ਹੈ ਜਿਸ ਵਿਚ ਉਸ ਦਾ ਨਾਂ ਪਾਬੰਦੀਸ਼ੁਦਾ ਸੂਚੀ ਤੋਂ ਹਟਾਉਣ ਲਈ ਕਿਹਾ ਗਿਆ ਸੀ।

ਲਿਹਾਜ਼ਾ, ਹੁਣ ਹਾਫਿਜ਼ ਦਾ ਨਾਂ ਪਾਬੰਦੀਸ਼ੁਦਾ ਅੱਤਵਾਦੀਆਂ ਦੀ ਸੂਚੀ ਵਿਚ ਹੀ ਬਣਿਆ ਰਹੇਗਾ। ਸੂਤਰਾਂ ਨੇ ਦੱਸਿਆ ਕਿ ਸੰਯੁਕਤ ਰਾਸ਼ਟਰ ਵਿਚ ਪਾਕਿਸਤਾਨ ਦੇ ਸਥਾਈ ਮਿਸ਼ਨ ਦੇ ਇਕ ਨੁਮਾਇੰਦੇ ਨੇ ਪਿਛਲੇ ਸਾਲ ਅਕਤੂਬਰ ਵਿਚ ਲੋਕਪਾਲ ਨੂੰ ਸੂਚਿਤ ਕੀਤਾ ਸੀ ਕਿ ਉਨ੍ਹਾਂ ਦੀ ਇਸਲਾਮਾਬਾਦ ਯਾਤਰਾ ਲਈ ਕੋਈ ਵੀਜ਼ਾ ਨਹੀਂ ਜਾਰੀ ਕੀਤਾ ਜਾਵੇਗਾ। ਸੰਯੁਕਤ ਰਾਸ਼ਟਰ ਲੋਕਪਾਲ ਵਿਸ਼ਵ ਸੰਸਥਾ ਵੱਲੋਂ ਪਾਬੰਦੀਸ਼ੁਦਾ ਲੋਕਾਂ ਅਤੇ ਸੰਗਠਨਾਂ ਵੱਲੋਂ ਉਨ੍ਹਾਂ ਨੂੰ ਪਾਬੰਦੀਸ਼ੁਦਾ ਸੂਚੀ ਤੋਂ ਹਟਾਉਣ ਦੀਆਂ ਅਪੀਲਾਂ ਦੀ ਸਮੀਖਿਆ ਕਰਦਾ ਹੈ।

ਸ੍ਰੀ ਮੁਕਤਸਰ ਸਾਹਿਬ: ਪੰਜਾਬ ਦਾ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੂੰ ਨਿਸ਼ਾਨ 'ਤੇ ਲਿਆ ਹੈ। ਉਨ੍ਹਾਂ ਕਿਹਾ ਕਿ ਉਹੀ ਵਿਅਕਤੀ ਦੇਸ਼ ਚਲਾ ਸਕਦਾ ਹੈ ਜਿਸ ਕੋਲ ਕੋਈ ਤਜੁਰਬਾ ਹੋਵੇ। ਲੰਮੇ ਸਮੇਂ ਤਕ ਕਿਸੇ ਵੱਡੇ ਆਹੁਦੇ ਜਾਂ ਕਿਸੇ ਸੂਬੇ ਦਾ ਮੁੱਖ ਮੰਤਰੀ ਰਿਹਾ ਹੋਵੇ। ਰਾਹੁਲ ਗਾਂਧੀ ਅੱਜ ਤਕ ਕਦੀ ਵੀ ਮੰਤਰੀ ਤਕ ਨਹੀਂ ਬਣੇ। ਉਨ੍ਹਾਂ ਕੋਲ ਦੇਸ਼ ਚਲਾਉਣ ਦਾ ਕੋਈ ਤਜੁਰਬਾ ਨਹੀਂ ਹੈ ਬਸ ਗਾਂਧੀ ਪਰਿਵਾਰ ਦਾ ਪੁੱਤਰ ਹੋਣ ਦੀ ਡਿਗਰੀ ਹੈ ਤੇ ਸਿਰਫ਼ ਇਸ ਡਿਗਰੀ ਨਾਲ ਕੰਮ ਨਹੀਂ ਚੱਲੇਗਾ।

ਬਾਦਲ ਨੇ ਕਿਹਾ ਕਿ ਕਾਂਗਰਸ ਬੇਅਦਬੀ ਦੀਆਂ ਘਟਨਾਵਾਂ ਨੂੰ ਲੈ ਕੇ ਅੱਜ ਅਕਾਲੀ ਦਲ 'ਤੇ ਦਬਾਅ ਪਾ ਰਹੀ ਹੈ। ਸ੍ਰੀ ਹਰਿਮੰਦਰ ਸਾਹਿਬ 'ਤੇ ਹਮਲਾ ਕਰਵਾਉਣ ਵਾਲੇ ਅੱਜ ਸਿੱਖਾਂ ਦੀ ਹਮਦਰਦ ਬਣੇ ਹਨ। ਉਨ੍ਹਾਂ ਕਿਹਾ ਕਿ ਕਾਂਗਰਸੀ ਸਿਰਫ਼ ਧਮਕੀ ਦਿੰਦੇ ਹਨ ਇਨ੍ਹਾਂ ਨੇ ਕਰਨਾ ਕੁਝ ਨਹੀਂ। ਇਨ੍ਹਾਂ ਤੋਂ ਡਰਨ ਦੀ ਜ਼ਰੂਰਤ ਨਹੀਂ ਹੈ।

ਸਾਬਕਾ ਮੁੱਖ ਮੰਤਰੀ ਨੇ ਕਿਹਾ ਕਿ ਜੇਕਰ ਪੰਜਾਬ ਨੂੰ ਉਦਯੋਗ ਮਿਲਿਆ ਤਾਂ ਉਹ ਭਾਜਪਾ ਨੇ ਹੀ ਦਿੱਤਾ ਸੀ। ਸਾਬਕਾ ਅਕਾਲੀ ਦਲ-ਭਾਜਪਾ ਸਰਕਾਰ ਨੇ ਯਾਦਗਾਰਾਂ ਬਣਾਈਆਂ ਸਨ ਜਿਸ ਨਾਲ ਲੋਕ ਆਪਣੇ ਵਿਰਸੇ ਨਾਲ ਜੁੜ ਰਹੇ ਹਨ। ਬਾਦਲ ਨੇ ਅਕਾਲੀਆਂ ਵਰਕਰਾਂ ਨੂੰ ਲੋਕ ਸਭਾ ਚੋਣਾਂ ਲਈ ਸਖ਼ਤ ਮਿਹਨਤ ਕਰਨ ਨੂੰ ਕਿਹਾ ਹੈ। ਉਨ੍ਹਾਂ ਨੇ ਕਿਹਾ, ਜੋ ਮਿਹਨਤ ਕਰਦਾ ਹੈ ਉਸ ਨੂੰ ਫਲ ਜ਼ਰੂਰ ਮਿਲਦਾ ਹੈ। ਆਪਣੇ-ਆਪਣੇ ਹਲਕੇ 'ਚ ਰੋਜ਼ ਬੈਠਕ ਕਰੋ ਅਤੇ ਉਨ੍ਹਾਂ ਨੂੰ ਰਿਪੋਰਟ ਭੇਜੋ।

ਸਟੇਟ ਬਿਊਰੋ, ਜੰਮੂ : ਸ੍ਰੀ ਅਮਰਨਾਥ ਦੀ ਯਾਤਰਾ ਕਰਨ ਦੇ ਚਾਹਵਾਨ ਸ਼ਰਧਾਲੂ ਤਿਆਰ ਹੋ ਜਾਣ। ਇਸ ਸਾਲ ਸਮੁੰਦਰ ਤੱਟ ਤੋਂ ਕਰੀਬ 3888 ਮੀਟਰ ਦੀ ਉੱਚਾਈ 'ਤੇ ਬਾਬਾ ਬਰਫ਼ਾਨੀ ਦੀ ਪਵਿੱਤਰ ਗੁਫ਼ਾ ਦੀ ਸਾਲਾਨਾ ਤੀਰਥ ਯਾਤਰਾ ਪਹਿਲੀ ਜੁਲਾਈ ਤੋਂ ਸ਼ੁਰੂ ਹੋਵੇਗੀ। ਇਹ ਯਾਤਰਾ 46 ਦਿਨ ਚੱਲੇਗੀ ਅਤੇ 15 ਅਗਸਤ ਰੱਖੜੀ ਦੇ ਦਿਨ ਪਵਿੱਤਰ ਗੁਫ਼ਾ 'ਚ ਛੜੀ ਮੁਬਾਰਕ ਦੇ ਆਗਮਨ ਅਤੇ ਪੂਜਾ ਅਰਚਨਾ ਦੇ ਨਾਲ ਸਮਾਪਤ ਹੋਵੇਗੀ। ਯਾਤਰਾ ਲਈ ਰਜਿਸਟ੍ਰੇਸ਼ਨ ਇਕ ਅਪ੍ਰੈਲ ਨੂੰ ਸ਼ੁਰੂ ਹੋਵੇਗੀ। ਸ੍ਰੀ ਅਮਰਨਾਥ ਜੀ ਸ਼ਰਾਈਨ ਬੋਰਡ ਪਹਿਲੀ ਵਾਰੀ ਆਨਲਾਈਨ ਰਜਿਸਟ੍ਰੇਸ਼ਨ ਦੀ ਸਹੂਲਤ ਵੀ ਸ਼ਰਧਾਲੂਆਂ ਨੂੰ ਮੁਹੱਈਆ ਕਰਵਾਏਗਾ। ਪਿਛਲੇ ਸਾਲ ਯਾਤਰਾ 60 ਦਿਨ (28 ਜੂਨ ਤੋਂ 26 ਅਗਸਤ) ਦੀ ਸੀ।

ਸ਼ਰਾਈਨ ਬੋਰਡ ਦੇ ਚੇਅਰਮੈਨ ਅਤੇ ਰਾਜਪਾਲ ਸਤਿਆਪਾਲ ਮਲਿਕ ਦੀ ਅਗਵਾਈ 'ਚ ਵੀਰਵਾਰ ਨੂੰ ਜੰਮੂ ਰਾਜ ਭਵਨ 'ਚ ਬੋਰਡ ਦੀ 36ਵੀਂ ਬੈਠਕ ਹੋਈ। ਬੈਠਕ 'ਚ ਸ੍ਰੀਸ੍ਰੀ ਰਵੀਸ਼ੰਕਰ ਦੀ ਅਗਵਾਈ 'ਚ ਗਠਿਤ ਕਮੇਟੀ ਵੱਲੋਂ ਸ਼ਰਧਾਲੂਆਂ ਦੀ ਸੁਰੱਖਿਆ ਅਤੇ ਸਹੂਲਤ ਨੂੰ ਧਿਆਨ ਵਿਚ ਰੱਖਦੇ ਹੋਏ ਦਿੱਤੇ ਗਏ ਸੁਝਾਵਾਂ ਦੇ ਆਧਾਰ 'ਤੇ ਤੀਰਥ ਯਾਤਰਾ ਨੂੰ ਇਸ ਸਾਲ 46 ਦਿਨ ਤਕ ਸੀਮਤ ਰੱਖਣ ਦਾ ਫ਼ੈਸਲਾ ਕੀਤਾ ਗਿਆ ਹੈ। ਤੀਰਥ ਯਾਤਰਾ ਪਹਿਲੀ ਜੁਲਾਈ ਨੂੰ ਹਿੰਦੂ ਕੈਲੰਡਰ ਮੁਤਾਬਕ ਮਾਸਿਕ ਸ਼ਿਵ ਯਾਤਰਾ ਦੇ ਪਵਿੱਤਰ ਪੁਰਬ ਦੀ ਸਵੇਰੇ ਸ਼ੁਰੂ ਹੋਵੇਗੀ। ਬੋਰਡ ਨੇ ਤੈਅ ਕੀਤਾ ਕਿ ਦੋਵੇਂ ਯਾਤਰਾ ਰਸਤਿਆਂ (ਬਾਲਟਾਲ ਤੇ ਪਹਿਲਗਾਮ) ਤੋਂ ਹਰ ਰੋਜ਼ ਵੱਧ ਤੋਂ ਵੱਧ 7500 ਸ਼ਰਧਾਲੂਆਂ ਨੂੰ ਹੀ ਪਵਿੱਤਰ ਗੁਫ਼ਾ ਵੱਲ ਜਾਣ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ ਹੈਲੀਕਾਪਟਰ ਰਾਹੀਂ ਯਾਤਰਾ ਕਰਨ ਵਾਲੇ ਸ਼ਰਧਾਲੂਆਂ ਦੀ ਗਿਣਤੀ ਵੱਖਰੀ ਹੋਵੇਗੀ।

ਬਾਲੀਵੁੱਡ ਅਦਾਕਾਰਾ ਤਾਪਸੀ ਪੰਨੂ ਦਾ ਕਹਿਣਾ ਹੈ ਕਿ ਮੁੱਦਾ ਆਧਾਰਿਤ ਫਿਲਮਾਂ 'ਚ ਕੰਮ ਕਰ ਕੇ ਉਹ ਦਬਾਅ ਨਹੀਂ ਬਲਕਿ ਕਿ ਚੰਗਾ ਮਹਿਸੂਸ ਕਰਦੀ ਹੈ। ਉਹ ਹੁਣ ਤਕ ਜ਼ਿਆਦਾਤਰ ਮੁੱਦਾ ਆਧਾਰਿਤ ਫਿਲਮਾਂ 'ਚ ਹੀ ਕੰਮ ਕਰਦੀ ਨਜ਼ਰ ਆਈ ਹੈ। ਉਸ ਨੇ 'ਪਿੰਕ' ਤੇ 'ਨਾਮ ਸ਼ਬਾਨਾ' ਵਰਗੀਆਂ ਫਿਲਮਾਂ 'ਚ ਆਪਣੀ ਪ੍ਰਤਿਭਾ ਦਾ ਲੋਹਾ ਮਨਵਾਇਆ ਹੈ। ਹਾਲ ਹੀ 'ਚ ਇਕ ਪ੍ਰੋਗਰਾਮ ਦੌਰਾਨ ਜਦੋਂ ਤਾਪਸੀ ਨੂੰ ਪੁੱਛਿਆ ਗਿਆ ਕਿ ਕੀ ਉਹ ਮੁੱਦਾ ਆਧਾਰਿਤ ਫਿਲਮਾਂ 'ਚ ਕੰਮ ਕਰਕੇ ਕਿਸੇ ਤਰ੍ਹਾਂ ਦਾ ਦਬਾਅ ਤਾਂ ਨਹੀਂ ਮਹਿਸੂਸ ਕਰਦੀ। ਤਾਂ ਉਸ ਨੇ ਕਿਹਾ ਕਿ ਉਹ ਤਾਂ ਇਸ ਤਰ੍ਹਾਂ ਦੀਆਂ ਫਿਲਮਾਂ ਦਾ ਖ਼ੂਬ ਆਨੰਦ ਮਾਣਦੀ ਹੈ।

ਤਾਪਸੀ ਨੇ ਕਿਹਾ ਕਿ 'ਇਸ ਤੋਂ ਚੰਗਾ ਕੀ ਹੋ ਸਕਦਾ ਹੈ ਕਿ ਤੁਸੀਂ ਆਪਣੇ ਕੰਮ ਜ਼ਰੀਏ ਸਮਾਜ ਨੂੰ ਕੋਈ ਸੁਨੇਹਾ ਦੇ ਰਹੇ ਹੋ। ਹਾਲਾਂਕਿ ਉਹ ਇਹ ਜ਼ਰੂਰ ਕਹਿਣਾ ਚਾਹੇਗੀ ਕਿ ਮੁੱਦਾ ਆਧਾਰਿਤ ਫਿਲਮਾਂ ਕਰਨ ਦਾ ਇਹ ਮਤਲਬ ਨਹੀਂ ਹੈ ਕਿ ਉਹ ਕੇਵਲ ਅਜਿਹੀਆਂ ਹੀ ਫਿਲਮਾਂ ਕਰ ਸਕਦੀ ਹੈ।' ਤਾਪਸੀ ਨੇ ਕਿਹਾ ਕਿ 'ਇਨ੍ਹਾਂ ਫਿਲਮਾਂ ਤੋਂ ਮੈਨੂੰ ਲਗਦਾ ਹੈ ਕਿ ਮੈਂ ਕੁਝ ਖ਼ਾਸ ਸਿੱਖਿਆ ਹੈ। ਜਦੋਂ ਵੀ ਮੈਨੂੰ ਇਸ ਤਰ੍ਹਾਂ ਦੀ ਮੁੱਦਾ ਆਧਾਰਿਤ ਫਿਲਮ ਦੀ ਪੇਸ਼ਕਸ਼ ਆਉਂਦੀ ਹੈ ਤਾਂ ਮੈਂ ਤਰੁੰਤ ਹਾਂ ਆਖ ਦਿੰਦੀ ਹਾਂ। ਬਤੌਰ ਅਭਿਨੇਤਰੀ ਸਾਡਾ ਸਮਾਜ ਲਈ ਫਰਜ਼ ਬਣਦਾ ਹੈ ਕਿ ਅਜਿਹੀਆਂ ਫਿਲਮਾਂ ਦੇ ਜ਼ਰੀਏ ਸਮਾਜ ਦੇ ਭਲੇ ਲਈ ਆਪਣਾ ਬਣਦਾ ਯੋਗਦਾਨ ਪਾਈਏ।'

ਤਾਪਸੀ ਨੇ ਕਿਹਾ ਕਿ 'ਮੁੱਦਾ ਆਧਾਰਿਤ ਫਿਲਮਾਂ ਮੈਨੂੰ ਮਾਣ ਮਹਿਸੂਸ ਕਰਵਾਉਂਦੀਆਂ ਹਨ। ਫਿਲਮ 'ਪਿੰਕ' ਦੀ ਗੱਲ ਕਰੀਏ ਤਾਂ ਇਸ ਫਿਲਮ ਨੂੰ ਮੈਂ ਕਾਫ਼ੀ ਮਾਣਿਆ ਸੀ। ਇਸ ਫਿਲਮ ਨੂੰ ਜਦੋਂ ਮੈਂ ਆਪਣੇ ਬੱਚਿਆਂ ਨੂੰ ਵਿਖਾ ਰਹੀ ਹੋਵਾਂਗੀ ਤਾਂ ਮੈਨੂੰ ਕਾਫ਼ੀ ਮਾਣ ਮਹਿਸੂਸ ਹੋਵੇਗਾ ਕਿ ਮੈਂ ਇਸ ਦਾ ਹਿੱਸਾ ਰਹੀ ਹਾਂ।' ਤਾਪਸੀ ਦੀ ਫਿਲਮ 'ਬਦਲਾ' ਅੱਜ ਰਿਲੀਜ਼ ਹੋ ਰਹੀ ਹੈ।

ਕੈਂਸਰ ਨਾਲ ਜੰਗ ਜਿੱਤਣ ਤੋਂ ਬਾਅਦ ਅਦਾਕਾਰਾ ਮਨੀਸ਼ਾ ਕੋਇਰਾਲਾ ਫਿਲਮ 'ਸੰਜੂ' ਤੇ ਵੈੱਬ ਸੀਰੀਜ਼ 'ਲਸਟ ਸਟੋਰੀਜ਼' 'ਚ ਦਮਦਾਰ ਅਦਾਕਾਰੀ ਵਿਖਾ ਚੁੱਕੀ ਹੈ। ਹੁਣ ਮਨੀਸ਼ਾ ਇਕ ਹੋਰ ਫਿਲਮ ਦਾ ਹਿੱਸਾ ਬਣਨ ਜਾ ਰਹੀ ਹੈ। ਲੰਬੀ ਬ੍ਰੇਕ ਤੋਂ ਬਾਅਦ ਉਹ ਅਗਲੀ ਫਿਲਮ 'ਪ੍ਰਸਥਾਨਮ' 'ਚ ਨਜ਼ਰ ਆਵੇਗੀ। ਜਦੋਂ ਮਨੀਸ਼ਾ ਨੂੰ ਇਸ ਬ੍ਰੇਕ ਬਾਰੇ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ ਕਿ 'ਇਹ ਸਿਰਫ਼ ਕੰਮ ਦੇ ਮਾਮਲੇ 'ਚ ਹੀ ਨਹੀਂ ਬਲਕਿ ਜ਼ਿੰਦਗੀ ਦੇ ਮਾਮਲੇ 'ਚ ਵੀ ਮੇਰੀ ਦੂਜੀ ਇਨਿੰਗ ਦੀ ਸ਼ੁਰੂਆਤ ਹੈ। ਮੇਰੀ ਜ਼ਿੰਦਗੀ ਦਾ ਸਭ ਤੋਂ ਵਧੀਆ ਦੌਰ ਚੱਲ ਰਿਹਾ ਹੈ।'

ਮਨੀਸ਼ਾ ਨੇ ਇਕ ਇੰਟਰਵਿਊ ਦੌਰਾਨ ਆਪਣੇ ਬਾਰੇ ਗੱਲ ਕਰਦਿਆਂ ਕਿਹਾ ਕਿ 'ਪਹਿਲਾਂ ਮੈਂ ਜਿਸ ਦੌਰ 'ਚੋਂ ਲੰਘ ਰਹੀ ਸੀ। ਉਦੋਂ ਮੈਂ ਕਈ ਚੀਜ਼ਾਂ ਨੂੰ ਲੈ ਕੇ ਬਹੁਤੀ ਜਾਣਕਾਰੀ ਨਹੀਂ ਰੱਖਦੀ ਸੀ ਪਰ ਹੁਣ ਮੈਂ ਜਾਣਕਾਰ ਹੋ ਚੁੱਕੀ ਹਾਂ ਤੇ ਜਿਊਂਣਾ ਵੀ ਸਿੱਖ ਗਈ ਹਾਂ। ਅੱਜ ਜੋ ਵਕਤ ਲੰਘ ਰਿਹਾ ਹੈ, ਉਹ ਪਹਿਲਾਂ ਨਾਲੋਂ ਮੇਰੇ ਲਈ ਬਹੁਤ ਚੰਗਾ ਹੈ।' ਜ਼ਿਕਰਯੋਗ ਹੈ ਕਿ ਫਿਲਮਾਂ 'ਚ ਸੰਜੀਦਾ ਅਦਾਕਾਰੀ ਵਿਖਾਉਣ ਵਾਲੀ ਮਨੀਸ਼ਾ ਸ਼ੁਰੂ ਤੋਂ ਹੀ ਦਰਸ਼ਕਾਂ ਦੀ ਪਸੰਦੀਦਾ ਅਭਿਨੇਤਰੀ ਰਹੀ ਹੈ। ਹੁਣ ਉਹ ਮੁੜ ਲੋਕਾਂ ਦਾ ਮਨੋਰੰਜਨ ਕਰਨ ਲਈ ਤਿਆਰ ਹੈ।

ਕੈਂਸਰ ਨਾਲ ਜੰਗ ਜਿੱਤਣ ਤੋਂ ਬਾਅਦ ਹੁਣ ਮਨੀਸ਼ਾ ਵੱਖ-ਵੱਖ ਤਰ੍ਹਾਂ ਦੇ ਕਈ ਪ੍ਰਾਜੈਕਟਾਂ 'ਤੇ ਕੰਮ ਕਰ ਰਹੀ ਹੈ। ਆਪਣੀ ਜ਼ਿੰਦਗੀ ਦੀ ਕਹਾਣੀ ਨੂੰ ਉਸ ਨੇ ਇਕ ਕਿਤਾਬੀ ਰੂਪ ਵੀ ਦਿੱਤਾ ਹੈ। ਉਹ ਕੈਂਸਰ ਦੀ ਬਿਮਾਰੀ ਬਾਰੇ ਜਾਗਰੂਕਤਾ ਪ੍ਰੋਗਰਾਮਾਂ 'ਚ ਵੀ ਸ਼ਾਮਲ ਹੁੰਦੀ ਰਹਿੰਦੀ ਹੈ। ਇੰਟਰਵਿਊ ਦੌਰਾਨ ਮਨੀਸ਼ਾ ਨੇ ਕਿਹਾ ਕਿ 'ਮੈਂ ਇਕ ਐਕਟਰਸ ਦੇ ਤੌਰ 'ਤੇ ਸੁਰੱਖਿਅਤ ਹਾਂ ਪਰ ਮੈਨੂੰ ਲਗਦਾ ਹੈ ਕਿ ਇਕ ਵਿਅਕਤੀ ਅੰਦਰ ਚੰਗਾ ਕੰਮ ਕਰਨ ਦੀ ਇੱਛਾ ਜ਼ਰੂਰ ਹੋਣੀ ਚਾਹੀਦੀ ਹੈ। ਇਸ ਲਈ ਹਮੇਸ਼ਾ ਚੰਗੇ ਕੰਮ ਕਰਦੇ ਰਹਿਣ ਦੀ ਕੋਸ਼ਿਸ਼ ਕਰਦੇ ਰਹਿਣਾ ਚਾਹੀਦਾ ਹੈ।'

ਜਦੋਂ ਮਨੀਸ਼ਾ ਨੂੰ ਉਸ ਦੀ ਜ਼ਿੰਦਗੀ ਨੂੰ ਲੈ ਕੇ ਬਦਲੇ ਨਜ਼ਰੀਏ ਬਾਰੇ 'ਚ ਸਵਾਲ ਕੀਤਾ ਗਿਆ ਤਾਂ ਉਸ ਨੇ ਕਿਹਾ, 'ਇਸ ਤਬਦੀਲੀ ਨੇ ਮੈਨੂੰ ਜ਼ਿੰਦਗੀ 'ਚ ਸਿਰਫ਼ ਚੰਗੀਆਂ ਚੀਜ਼ਾਂ ਦੀ ਤਾਰੀਫ਼ ਕਰਨ ਦੀ ਤਾਕਤ ਹੀ ਦਿੱਤੀ ਹੈ। ਇਸ ਜਾਦੂਮਈ ਜ਼ਿੰਦਗੀ ਨੂੰ ਧੰਨਵਾਦ ਕਹਿਣਾ ਸਿਖਾਇਆ ਹੈ ਅਤੇ ਨਾਲ ਹੀ ਉਨ੍ਹਾਂ ਚੀਜ਼ਾਂ ਦੀ ਤਾਰੀਫ਼ ਕਰਨੀ ਸਿਖਾਈ ਹੈ ਜੋ ਸਾਨੂੰ ਜ਼ਿੰਦਗੀ ਸਾਨੂੰ ਦਿੰਦੀ ਹੈ। ਮੈਂ ਆਪਣੀ ਜ਼ਿੰਦਗੀ ਗਵਾਉਣ ਵਾਲੀ ਸੀ, ਇਸ ਲਈ ਅੱਜ ਮੈਂ ਹਰ ਚੀਜ਼ ਨੂੰ ਅਹਿਮੀਅਤ ਦਿੰਦੀ ਹਾਂ। ਮੈਨੂੰ ਹੁਣ ਜਿੰਨਾ ਵੀ ਵਕਤ ਮਿਲਿਆ ਹੈ, ਮੈਂ ਉਸ ਨੂੰ ਚੰਗੀ ਤਰ੍ਹਾਂ ਜੀਅ ਲੈਣ ਵਾਲੀ ਹਾਂ। ਮੈਂ ਇਸ ਦਾ ਪੂਰੀ ਤਰ੍ਹਾਂ ਆਨੰਦ ਲੈਣਾ ਚਾਹੁੰਦੀ ਹਾਂ ਅਤੇ ਅੱਗੇ ਆਉਣ ਵਾਲੇ ਉਤਰਾਅ-ਚੜ੍ਹਾਅ ਦਾ ਹਿੰਮਤ ਨਾਲ ਸਾਹਮਣਾ ਕਰਨਾ ਚਾਹੁੰਦੀ ਹਾਂ।'

ਫਿਲਮ 'ਠੱਗਜ਼ ਆਫ ਹਿੰਦੁਸਤਾਨ' ਦੀ ਅਸਫਲਤਾ ਤੋਂ ਬਾਅਦ ਅਮਿਰ ਨੇ ਆਪਣੇ ਅਗਲੇ ਪ੍ਰਾਜੈਕਟ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਇਸ ਤਿਆਰੀ ਦੇ ਚਲੱਦਿਆਂ ਉਹ ਆਪਣੀ ਬਾਡੀ ਨੂੰ ਫਿੱਟ ਕਰਨ ਲਈ ਅਮਰੀਕਾ ਗਿਆ ਹੈ। ਆਮਿਰ ਦੀ ਖ਼ਾਸੀਅਤ ਰਹੀ ਹੈ ਕਿ ਉਹ ਆਪਣੇ ਕਿਰਦਾਰ ਦੇ ਹਿਸਾਬ ਨਾਲ ਆਪਣੇ ਸਰੀਰ ਦੀ ਦਿੱਖ ਵੀ ਉਸੇ ਤਰ੍ਹਾਂ ਦੀ ਕਰ ਲੈਂਦਾ ਹੈ। ਇਸ ਲਈ ਉਹ ਆਪਣੀ ਬਾਡੀ ਨਾਲ ਅਲੱਗ-ਅਲੱਗ ਤਰ੍ਹਾਂ ਦੇ ਪ੍ਰਯੋਗ ਕਰਦਾ ਰਹਿੰਦਾ ਹੈ। 2008 'ਚ ਰਿਲੀਜ਼ ਹੋਈ ਫਿਲਮ 'ਗਜਨੀ' ਲਈ ਉਸ ਨੇ 8 ਪੈਕਸ ਬਣਾਏ ਸਨ। ਇਸ ਤੋਂ ਬਾਅਦ ਉਸ ਨੇ ਫਿਲਮ 'ਦੰਗਲ' ਵਿਚ ਪਹਿਲਵਾਨ ਮਹਾਵੀਰ ਫੋਗਾਟ ਦੇ ਕਿਰਦਾਰ ਨੂੰ ਨਿਭਾਉਣ ਲਈ ਆਪਣਾ 27 ਕਿੱਲੋ ਭਾਰ ਵਧਾ ਲਿਆ ਸੀ। ਇਸ ਫਿਲਮ ਤੋਂ ਬਾਅਦ ਕੇਵਲ 6 ਮਹੀਨਿਆਂ 'ਚ ਹੀ ਉਸ ਨੇ 25 ਕਿਲੋਂ ਭਾਰ ਘਟਾ ਵੀ ਲਿਆ ਸੀ।

ਉਸ ਨੇ ਫਿਲਮ 'ਧੂਮ 3' ਅਤੇ 'ਪੀਕੇ' ਲਈ ਵੀ ਆਪਣੀ ਦਿੱਖ 'ਚ ਤਬਦੀਲੀ ਲੈ ਆਂਦੀ ਸੀ ਪਰ 'ਦੰਗਲ' ਤੇ 'ਗਜਨੀ' ਲਈ ਤਾਂ ਉਸ ਨੇ ਆਪਣੀ ਦਿੱਖ 'ਚ ਕਾਫ਼ੀ ਵੱਡੀ ਤਬਦੀਲੀ ਕੀਤੀ ਸੀ। ਹੁਣ ਇਕ ਵਾਰ ਫਿਰ ਆਮਿਰ ਆਪਣੀ ਸਰੀਰਕ ਦਿੱਖ 'ਚ ਤਬਦੀਲੀ ਕਰਨ ਲਈ ਨਿਕਲਿਆ ਹੈ। ਉਹ ਨਿਊਯਾਰਕ 'ਚ ਮਸ਼ਹੂਰ ਫਿਟਨੈੱਸ ਕੋਚ ਜੈਫ ਕੇਵੇਲੀਅਰ ਨੂੰ ਮਿਲਿਆ ਹੈ ਅਤੇ ਉਸ ਨਾਲ ਕਸਰਤ ਵੀ ਕਰ ਰਿਹਾ ਹੈ। ਜੈਫ ਨੇ ਇਸ ਤੋਂ ਪਹਿਲਾਂ ਆਮਿਰ ਦੇ 'ਦੰਗਲ' ਵਾਲੀ ਦਿੱਖ ਦੇ ਟਰਾਂਸਫਰਮੇਸ਼ਨ 'ਤੇ ਵੀਡੀਓ ਵੀ ਬਣਾਈ ਸੀ।

ਇਹ ਵੀਡੀਓ ਉਨ੍ਹਾਂ ਲੋਕਾਂ ਲਈ ਬਣਾਈ ਗਈ ਸੀ ਜੋ ਆਮਿਰ ਦੀ ਇਸ ਦਿੱਖ ਨੂੰ ਨੈਚੁਰਲ ਨਹੀਂ ਸਮਝਦੇ ਸਨ। ਹੁਣ ਆਮਿਰ ਇਹ ਸਭ ਕਿਸ ਫਿਲਮ ਲਈ ਕਰ ਰਿਹਾ ਹੈ। ਇਸ ਬਾਰੇ ਫਿਲਹਾਲ ਜਾਣਕਾਰੀ ਨਹੀਂ ਮਿਲੀ ਹੈ। ਵੈਸੇ ਕੁਝ ਸਮਾਂ ਪਹਿਲਾਂ ਇਹ ਚਰਚਾ ਸੀ ਕਿ ਉਹ 'ਗਜਨੀ' ਦੇ ਅਗਲੇ ਭਾਗ 'ਚ ਨਜ਼ਰ ਆਵੇਗਾ। ਸੂਤਰਾਂ ਮੁਤਾਬਕ ਉਹ ਆਪਣੀ ਬਾਡੀ ਨੂੰ ਇਸੇ ਫਿਲਮ ਲਈ ਫਿੱਟ ਕਰ ਰਿਹਾ ਹੈ। ਵੈਸੇ ਉਹ ਓਸ਼ੋ ਦੀ ਬਾਇਓਪਿਕ ਵੈੱਬ ਸੀਰੀਜ਼ ਵੀ ਕਰਨ ਵਾਲਾ ਸੀ ਪਰ ਉਸ ਵੱਲੋਂ ਜ਼ਿਆਦਾ ਫੀਸ ਦੀ ਮੰਗ ਨੂੰ ਵੇਖਦਿਆਂ ਨਿਰਮਾਤਾਵਾਂ ਨੇ ਇਸ ਸੀਰੀਜ਼ ਨੂੰ ਅਜੇ ਰੋਕ ਦਿੱਤਾ ਹੈ।

ਮੁੰਬਈ : ਭਾਰਤੀ ਸਟੇਟੇ ਬੈਂਕ ਨੇ ਆਪਣੀਆਂ ਜਮ੍ਹਾ ਦਰਾਂ ਤੇ ਛੋਟੇ ਪੀਰੀਅਡ ਦੇ ਕਰਜ਼ੇ ਦੀਆਂ ਦਰਾਂ ਨੂੰ ਭਾਰਤੀ ਰਿਜ਼ਰਵ ਬੈਂਕ (ਆਰਬੀਆਈ) ਦੀ ਰੈਪੋ ਦਰ ਨਾਲ ਜੋੜਨ ਦਾ ਐਲਾਨ ਕੀਤਾ ਹੈ। ਇਹ ਇਕ ਤਰ੍ਹਾਂ ਦਾ ਪਹਿਲਾਂ ਮਾਮਲਾ ਹੈ ਜਦੋਂ ਕਿਸੇ ਬੈਂਕ ਨੇ ਆਪਣੇ ਵਿਆਜ ਦਰਾਂ ਨੂੰ ਰੈਪੋ ਨਾਲ ਜੋੜਿਆ ਹੋਵੇ। ਬੈਂਕ ਨੇ ਕਿਹਾ ਕਿ ਇਹ ਨਵੀਂਆਂ ਦਰਾਂ ਇਕ ਮਈ ਤੋਂ ਪ੍ਰਭਾਵਿਤ ਹੋਣਗੀਆਂ। ਨਵੀਂਆਂ ਦਰਾਂ ਦਾ ਲਾਭ ਹਾਲਾਂਕਿ ਉਨ੍ਹਾਂ ਨੂੰ ਹੀ ਮਿਲੇਗਾ ਜਿਨ੍ਹਾਂ ਦਾ ਬੈਂਕ ਬੈਲੇਂਸ ਇਕ ਲੱਖ ਤੋਂ ਜ਼ਿਆਦਾ ਹੋਵੇਗਾ।

ਬੈਂਕ ਦੇ ਇਸ ਕਦਮ ਨਾਲ ਆਰਬੀਆਈ ਦੇ ਨੀਤੀਗਤ ਵਿਆਜ ਦਰ 'ਚ ਹੋਣ ਵਾਲੀ ਕਟੌਤੀ ਜਾਂ ਵਾਧੇ ਨੂੰ ਗਾਹਕਾਂ ਤਕ ਪਹੁੰਚਾਉਣ ਦੀ ਪ੍ਰਕਿਰਿਆ 'ਚ ਤੇਜ਼ੀ ਆਵੇਗੀ। ਬੈਂਕ ਅਜੇ ਤਕ ਆਰਬੀਆਈ ਦੀਆਂ ਦਰਾਂ 'ਚ ਕਟੌਤੀ ਦਾ ਲਾਭ ਗਾਹਕਾਂ ਤਕ ਤੁਰੰਤ ਨਹੀਂ ਪਹੁੰਚਾ ਪਾ ਰਿਹਾ ਸੀ, ਜਿਸ 'ਤੇ ਆਰਬੀਆਈ ਨੇ ਕਈ ਵਾਰ ਨਾਰਾਜ਼ਗੀ ਜਤਾਈ ਸੀ। ਬੈਂਕ ਨੇ ਇਕ ਬਿਆਨ 'ਚ ਕਿਹਾ ਕਿ ਅਸੀਂ ਜਮ੍ਹਾ ਦਰ ਤੇ ਛੋਟੇ ਪੀਰੀਅਡ ਦੇ ਕਰਜ਼ੇ ਦੀ ਵਿਆਜ ਦਰ ਨੂੰ ਆਰਬੀਆਈ ਦੀ ਰੈਪੋ ਦਰ ਨਾਲ ਜੋੜਣ 'ਚ ਲੱਗੇ ਹੋਏ ਹਾਂ।

ਆਰਬੀਆਈ ਦੀ ਰੈਪੋ ਦਰ ਅਜੇ 6.25 ਫੀਸਦੀ ਹੈ। ਬੈਂਕ ਨੇ ਕਿਹਾ ਕਿ ਉਸ ਨੇ ਇਕ ਲੱਖ ਤੋਂ ਜ਼ਿਆਦਾ ਕੈਸ਼ ਕ੍ਰੈਡਿਟ ਅਕਾਊਂਟਸ ਤੇ ਓਵਰਡ੍ਰਾਫਟ ਨੂੰ ਵੀ ਰੈਪੋ ਦਰ ਨਾਲ ਜੋੜਨ ਦਾ ਫੈਸਲਾ ਲਿਆ ਹੈ। ਇਸ ਦੇ ਤਹਿਤ ਫਲੋਰ ਰੇਟ ਰੈਪੋ ਦਰ ਨਾਲ 2.25 ਫੀਸਦੀ ਤੋਂ ਜ਼ਿਆਦਾ ਹੋਵੇਗਾ। ਇਸ ਉੱਪਰ ਗਾਹਕ ਦੇ ਰਿਸਕ ਪ੍ਰ੍ਰੋਫਾਈਲ ਦੇ ਆਧਾਰ 'ਤੇ ਮੌਜੂਦਾ ਵਿਧੀ ਜ਼ਰੀਏ ਹਰ ਗਾਹਕਾਂ ਲਈ ਦਰ ਤੈਅ ਹੋਵੇਗੀ।

ਬੈਂਕ ਨੇ ਕਿਹਾ ਕਿ ਛੋਟੇ ਬਚਤ ਖਾਤਾ ਧਾਰਕਾਂ ਨੂੰ ਤੇ ਕਰਜ਼ਾਧਾਰਕਾਂ ਨੂੰ ਦਰ 'ਚ ਉਤਾਰ-ਚੜ੍ਹਾਵ ਤੋਂ ਸੁਰੱਖਿਆ ਦੇਣ ਲਈ ਇਕ ਲੱਖ ਰੁਪਏ ਤਕ ਦੀ ਜਮ੍ਹਾ ਤੇ ਕਰਜ਼ਾ ਦਰਾਂ ਦੀ ਦਰ ਨੂੰ ਰੈਪੋ ਦਰ ਨਾਲ ਹੀ ਜੋੜਿਆ ਗਿਆ ਹੈ।

ਮੁੰਬਈ : ਅਮਿਤਾਭ ਬੱਚਨ ਅਤੇ ਤਾਪਸੀ ਪੰਨੂ ਦੀ ਫਿਲਮ ਬਦਲਾ ਨੇ ਘਰੇਲੂ ਬਾਕਸ ਆਫਿਸ 'ਤੇ ਸ਼ਾਨਦਾਰ ਕੁਲੈਕਸ਼ਨ ਕਰਦੇ ਹੋਏ ਆਪਣੀ ਰਿਲੀਜ਼ ਦੇ ਪਹਿਲੇ ਦਿਨ ਪੰਜ ਕਰੋੜ ਤੋਂ ਜ਼ਿਆਦਾ ਦੀ ਕਮਾਈ ਕਰ ਲਈ ਹੈ। ਸੁਜੋਏ ਘੋਸ਼ ਦੀ ਡਾਇਰੈਕਸ਼ਨ ਵਿਚ ਬਣੀ ਫਿਲਮ ਬਦਲਾ ਸਪੇਨ ਦੀ ਇਕ ਫਿਲਮ Contratiempo ਯਾਨਿ ਦਿ ਇਨਵਿੰਸੀਬਲ ਗੈਸਟ ਦੀ ਆਫਿਸ਼ੀਅਲ ਹਿੰਦੀ ਰੀਮੇਕ ਹੈ। ਇਸ ਫਿਲਮ ਨੇ ਪਹਿਲੇ ਦਿਨ 5 ਕਰੋੜ 4 ਲੱਖ ਰੁਪਏ ਦੀ ਕੁਲੈਕਸ਼ਨ ਕੀਤੀ ਹੈ। ਫਿਲਮ ਨੂੰ ਪੰਜ ਕਰੋੜ 94 ਲੱਖ ਰੁਪਏ ਦੀ ਗ੍ਰਾਸ ਓਪਨਿੰਗ ਲੱਗੀ ਹੈ। ਫਿਲਮ ਨੂੰ ਪਹਿਲੇ ਦਿਨ ਇਸ ਦੇ ਆਸ-ਪਾਸ ਦੀ ਓਪਨਿੰਗ ਲੱਗਣ ਦਾ ਅੰਦਾਜ਼ਾ ਹੈ ਅਤੇ ਕਿਹਾ ਜਾ ਰਿਹਾ ਹੈ ਕਿ ਮਾਉਥ ਪਬਲੀਸਿਟੀ ਜ਼ਰੀਏ ਫਿਲਮ ਅੱਗੇ ਵਧੇਗੀ।

ਇਹ ਅਮਿਤਾਭ ਬੱਚਨ ਦੀ ਤਿੰਨ ਸਾਲਾਂ 'ਚ ਸਭ ਤੋਂ ਵੱਡੀ ਓਪਨਿੰਗ ਹੈ।

• ਅਮਿਤਾਭ ਬੱਚਨ ਅਤੇ ਤਾਪਸੀ ਪੰਨੂ ਨੇ ਜਦੋਂ ਇਕੱਠੇ ਫਿਲਮ ਪਿੰਕ ਕੀਤੀ ਸੀ ਤਾਂ ਉਸ ਨੇ ਪਹਿਲੇ ਦਿਨ 4 ਕਰੋੜ 32 ਲੱਖ ਰੁਪਏ ਦੀ ਕੁਲੈਕਸ਼ਨ ਕੀਤੀ ਸੀ।
• ਅਤਿਮਾਭ ਅਤੇ ਰਿਸ਼ੀ ਕਪੂਰ ਦੀ ਫਿਲਮ 102 ਨਾਟ ਆਉਟ ਨੇ ਪਹਿਲੇ ਦਿਨ 3 ਕਰੋੜ 52 ਲੱਖ ਕਾਏ ਸਨ।
  

• ਨਿਰਦੇਸ਼ਕ ਸੁਜੋਏ ਘੋਸ਼ ਦੀ ਫਿਲਮ ਕਹਾਣੀ 2 ਨੂੰ ਪਹਿਲੇ ਦਿਨ 4 ਕਰੋੜ 25 ਲੱਖ ਰੁਪਏ ਦੀ ਕਮਾਈ ਹੋਈ ਸੀ।
  

• ਸ਼ਾਹਰੁਖ ਖਾਨ ਦੀ ਆਖ਼ਿਰੀ ਕੋ-ਪ੍ਰੋਡਿਊਸ (ਜਿਸ ਵਿਚ ਉਨ੍ਹਾਂ ਕੰਮ ਕੀਤਾ) ਫਿਲਮ ਜ਼ੀਰੋ ਨੇ ਪਹਿਲੇ ਦਿਨ 19 ਕਰੋੜ 35 ਲੱਖ ਰੁਪਏ ਦੀ ਕੁਲੈਕਸ਼ਨ ਕੀਤੀ ਸੀ।